92 جاستاعى سوعىس مايدانگەرىمەن اڭگىمەلەسۋ بارىسىندا اكىم بەيبىت ءومىر ءۇشىن, ۇرپاقتىڭ باقىتتى بولاشاعى ءۇشىن وتقا ءتۇسىپ, قايعى-قاسىرەت شەككەن, سونىڭ ءبارىن قايىسپاي جەڭە بىلگەن ارداگەرلەردىڭ جانكەشتى ەرلىگى مەن ەڭبەگى ەشقاشان ۇمىتىلمايتىنىن ايتتى, دەپ حابارلايدى وبلىس اكىمدىگىنىڭ ءباسپاسوز قىزمەتى.
« ۇلى وتان سوعىسىنداعى جەڭىستە قازاقستاننان شىققان قاھارمانمەن جاۋىنگەرلەردىڭ وراسان زور ۇلەسى بار. سىزدەردىڭ كورسەتكەن وسىناۋ ەرلىكتەرىڭىز بۇگىنگى ۇرپاق ءۇشىن ناعىز وتانسۇيگىشتىكتىڭ, كوپۇلتتى تاتۋلىقتىڭ تەڭدەسسىز ۇلگىسى بولىپ تاريحتا جازىلىپ قالدى. سول ماڭگى وشپەس ونەگەلەرىڭىز جۇرەگىمىزدىڭ تورىنەن ورىن الدى. بولاشاقتا دا سولاي بولا بەرمەك»,- دەدى اكىم.
كەزدەسۋدە قازىنالى قارت مايدان دالاسىنداعى ەستەلىكتەرىمەن ءبولىسىپ, بۇگىنگى ۇرپاقتان ەگەمەن ەلىمىزدەگى بەيبىت ءومىردىڭ قادىرىن ۇعىنىپ, ونى قاستەرلەۋىن ءوتىندى. سونىمەن قاتار ول ەل ءۇشىن شايقاسقان ءاربىر ارداگەرگە ءاردايىم قۇرمەت كورسەتىلىپ, الەۋمەتتىك تۇرعىدا قولداۋ ءبىلدىرىپ جاتقان ەلباسىعا جانە جەرگىلىكتى بيلىك وكىلدەرىنە ريزاشىلىعىن ءبىلدىردى.
جۇماشەۆ پەرنەبەك 1925 جىلى تۇلكىباس اۋدانى, مانكەنت اۋىلىندا دۇنيەگە كەلگەن. اۋىلداعى 7 جىلدىق مەكتەپتى بىتىرگەن سوڭ 1942 جىلى قاراشا ايىندا 1-2 ۋكراينا 13 ارميا قاتارىنا شاقىرىلىپ, ەل الدىنداعى ءوز مىندەتىن اتقاردى. 1944 جىلى ەلگە قايتىپ ورالدى.
«ەرلىگى ءۇشىن» مەدالىمەن ماراپاتتالعان ارداگەر زايىبىمەن 4 بالا, 3 قىز تاربيەلەپ ءوسىرىپ, ولاردان 36 نەمەرە, 48 شوبەرە, 3 شوپشەك ءسۇيىپ وتىر.
