كونسۋلتاتسيالار بارىسىندا تاراپتار ەكى ەل اۋماقتارىنا ازاماتتاردىڭ كىرۋ/شىعۋ جانە بولۋ ءتارتىبى, زاڭسىز ەڭبەك ميگراتسياسىنىڭ الدىن الۋ, ەكستراديتسيا جانە سوتتالعان ادامداردى بەرۋ, سونداي-اق باسقا دا ءوزارا مۇددەلىلىك بىلدىرەتىن ماسەلەلەر تالقىلاندى.
وتكىزىلگەن كەلىسسوزدەردىڭ نەگىزگى تاقىرىپتارىنىڭ اراسىندا كورەيا رەسپۋبليكاسىنا تۋريزم, ىسكەرلىك, ەمدەلۋ ماقساتتارىمەن كەلگەن قازاقستاندىق ازاماتتاردى دەپورتاتسيالاۋ وقيعالارىنىڭ جيىلەنۋى بولدى.
سەۋلدەن كەلگەن جوعارى دەلەگاتسيا كورەيا يمميگراتسيالىق قىزمەتتەرىنىڭ ەلگە كىرگىزبەۋ تۋرالى فاكتىلەردىڭ جيىلەۋى, سونىمەن قاتار, دەپورتاتسياعا جانە قارجىلىق شىعىندار مەن مورالدىق-پسيحولوگيالىق زارداپ شەككەن قر ازاماتتارى تاراپىنان تۇسكەن شاعىمدار سانىنىڭ ءوسۋى, ولاردىڭ قۇقىقتارىنىڭ بۇزىلۋى مەن بوستاندىقتارىنىڭ شەكتەلۋى جونىندە اقپاراتتاندىرىلدى.
كورەيا ديپلوماتتارى قالىپتاسقان جاعدايعا تۇسىنگەندىك تانىتىپ, جاقىن ارادا سەۋلدە وسى ماسەلەنى شەشۋ بويىنشا ءوز ەلىنىڭ كوشى-قون قىزمەتتەرىمەن ۆەدومستۆوارالىق كونسۋلتاتسيالار وتكىزۋگە ۋادە بەردى.
سونىمەن بىرگە, جاپپاي دەپورتاتسيالاۋ سەبەپتەرىنىڭ قاتارىندا كورەياعا زاڭسىز جۇمىس ىستەۋ ماقساتىمەن ۆيزاسىز رەجيمدى پايدالانىپ كەلەتىن قازاقستاندىقتار سانىنىڭ ءوسۋى اتاپ ءوتىلدى.
كەلىسسوزدەر سىندارلى جاعدايدا جانە ءوزارا تۇسىنۋشىلىك رۋحىندا ءوتتى.
