1 مامىر - قازاقستان حالقىنىڭ بىرلىگى كۇنى مەرەكەسى قارساڭىندا شىمىلدىعى تۇرىلگەن نىساننىڭ قۇرىلىسى وڭىردەگى 20 ەتنومادەني بىرلەستىكتىڭ باستاماسىمەن سالىنعان.
كەزىندە جۇرگىزىلگەن سولاقاي ساياساتتىڭ سالدارىنان اتا-بابالارى قازاقستانعا كۇشتەپ قونىستانعان ەتنوستاردىڭ ءوسىپ-ونگەن ۇرپاقتارى بۇگىنگى بەيبىتشىل, بەرەكەلى زامانعا امان-ەسەن جەتۋىن, قازاقستانداعى جەرگىلىكتى حالىقتىڭ باۋىرمالدىعىنىڭ ارقاسى دەپ بىلەدى. وسىعان وراي, وڭىرىمىزدەگى ءتۇرلى ۇلت پەن ۇلىستىڭ قازاق ەلىنە دەگەن كىرشىكسىز ريزالىعى پەن اقەدىل شىنايى العىسىنىڭ سيمۆوليكالىق كورىنىسى ىسپەتتى بوي تۇزەگەن نىسان ۇلتىمىزعا دەگەن زور قۇرمەتتىڭ بەلگىسى دەۋگە بولادى.
وڭىردەگى ەتنوس وكىلدەرىنىڭ قارجىلاي دەمەۋىمەن بوي كوتەرگەن مونۋمەنتتىڭ بيىكتىگى 7,5 مەتردى قۇرايدى. الداعى ۋاقىتتا وسى نىسان ەلدى بەرەكەلى بىرلىككە ۇيىستىراتىن ماڭىزدى ءىس-شارالار وتەتىن ەڭسەلى عيماراتپەن بىرگە وڭتۇستىك جۇرتشىلىعىنىڭ پاتريوتتىق الاڭشاسى رەتىندە ەل يگىلىگىنە جۇمىس ىستەيتىن بولادى.
وڭتۇستىكتەگى وسىناۋ بىرلىگى جاراسقان تىرلىككە ريزا بولعان مەملەكەت باسشىسى نۇرسۇلتان ءابىش ۇلى كوپ ۇلتتى مەملەكەتىمىزدەگى ەتنوستار تاتۋلىعى تاۋەلسىز قازاقستاننىڭ باستى بايلىقتارىنىڭ ءبىرى ەكەنىن اتاپ ءوتتى.
مۇنان سوڭ, ەلباسى ن.نازارباەۆ قايتا قۇرىلىمداۋدان وتكەن «قازاقستان حالقى اسسامبلەياسىنىڭ» عيماراتىن ارالاپ كوردى. ەتنومادەني بىرلەستىكتەردىڭ قىزمەتىمەن تانىسىپ, ولار ۇسىنعان "بىرلىگىمىز جاراسقان" مۋزىكالىق كومپوزيتسياسىن تاماشالادى.
وبلىستىق بيۋدجەت ەسەبىنەن جونگە كەلتىرىلگەن 3 قاباتتى نىساندا «قوعامدىق كەلىسىم» مەكەمەسىنىڭ قىزمەتكەرلەرى مەن وڭىردەگى ەتنومادەني بىرلەستىكتەردىڭ كەڭسەلەرى, 800 ورىنعا ارنالعان كورەرمەن زالى بار. سونىمەن بىرگە, مۇندا ءۇرلى ۇيىرمەلەر مەن جەكسەنبىلىك مەكتەپتەردىڭ تۇراقتى ارەكەت ەتۋىنە جاعداي جاسالعان. الدا بۇل عيماراتتا وڭتۇستىك جۇرتشىلىعىن بەرەكەلى بىرلىك پەن ىرىستى ىنتىماققا ۇندەيتىن ءىس-شارالار مەن فورۋمدار, كەزدەسۋلەر, سەمينارلار, ءتۇرلى كونكۋرستار جانە وزگە دە باسقوسۋلار ۇيىمداستىرىلىپ, ماقساتتى جۇمىس جۇرگىزەتىن بولادى.
