ەلباسى اقپاراتتىق ستەندتەر مەن ەكسپوزيتسيالىق ۇلگىلەردى كورىپ, كاسىپورىننىڭ جۇمىس جوسپارلارىمەن تانىستى.
– جەكە ءوندىرىس اشىپ, يمپورتتالاتىن تاۋارلاردىڭ ورنىن باسۋ – ەلىمىزدىڭ ەكونوميكالىق دامۋىنىڭ قازىرگى كەزەڭىندەگى ماڭىزدى مىندەتتىڭ ءبىرى, – دەدى نۇرسۇلتان نازارباەۆ.
سوڭىندا ەلباسى كومپانيا قىزمەتكەرلەرىمەن اڭگىمەلەسىپ, جۇمىستارىنا تابىس تىلەدى جانە كاسىبي جەتىستىكتەرگە جەتۋىنە نيەتتەستىگىن ءبىلدىردى.
ايتا كەتەيىك, كاسىپورىن يندۋستريالاندىرۋ كارتاسى اياسىندا 2014 جىلى ىسكە قوسىلعان. 2016 جىلى «Gold Aluminum» جاۋاپكەرشىلىگى شەكتەۋلى سەرىكتەستىگى 750 تونناعا جۋىق اليۋميني بۇيىمدارىن شىعارعان. كاسىپورىن ونىمدەرى تاياۋ شەتەلدەرگە ەكسپورتتالۋدا.
