وتىرىستا بانكتىڭ 2014-2018 جىلعى دامۋ جوسپارىن ورىنداۋ بارىسىنداعى 2016 جىلعى ەسەبى بەكىتىلدى.
2016 جىلدىڭ قورتىندىسى بويىنشا بانكتىڭ كرەديتتىك پورتفەلى 49,8 ملرد. تەڭگەگە ءوسىپ ء(وسىم - 18%), بيىلعى جىلدىڭ باسىندا 329,3 ملرد. تەڭگەنى قۇرادى. قازاقستانداعى بارلىق يپوتەكانىڭ 67 پروتسەنتىن تۇرعىن ءۇي قۇرىلىس جيناق بانكى بەردى. سونىمەن بىرگە, تۇرعىن ءۇي قۇرىلىس جيناق جۇيەسىنە قاتىسۋشىلاردىڭ ەلدەگى ەكونوميكالىق بەلسەندى حالىققا شاققانداعى ۇلەسى 34 پروتسەنتكە ءوسىپ, 9,55 پروتسەنتتى قۇراعان. بىلتىرعى جىلى 292 116 جاڭا دەپوزيت اشىلىپ, ولاردا جيناقتالعان سالىم مولشەرى 407 ملرد. تەڭگەگە جەتتى. 2016 جىلدىڭ قورتىندىسى بويىنشا, بانك ۇزاق مەرزىمدى دامۋ ستراتەگياسىندا ايقىندالعان بارلىق كورسەتكىشتەردى ورىندادى.
ءوز كەزەگىندە, بانكتىڭ باسقارما ءتورايىمى ءلاززات يبراگيموۆا ەسەپ-شوت اشقاندا جانە كەلىسىم-شارت سوماسىن ۇلعايتقاندا الىناتىن كوميسسيا سوماسى 0 تەڭگە بولىپ بەكىتىلگەننەن كەيىن, جاڭا كەلىسىم-شارتتاردىڭ اشىلۋ قارقىنى ارتقاندىعىن مالىمدەدى. ەگەر كوميسسيا جۇمىس ىستەپ تۇرعان 2016 جىلى كۇنىنە ورتا ەسەپپەن 900 دەپوزيت اشىلىپ كەلگەن بولسا, بيىلعى جىلدىڭ 3 ساۋىرىنەن باستاپ (كوميسسيا 0 تەڭگە بولىپ بەكىتىلگەن مەرزىم) كۇندەلىكتى اشىلاتىن جيناق سالىمدارىنىڭ ورتا كولەمى 2,9 مىڭعا جەتكەن. وسى ۋاقىتتان بەرى, ورتا ەسەپپەن 50 مىڭ جاڭا دەپوزيت اشىلعان.
وتىرىس بارىسىندا, «ءوز ءۇيىم» باعدارلاماسىن ىسكە اسىرۋداعى نەگىزگى باعىتتار ماقۇلدانىپ, بانكتىڭ بيۋدجەتتىك ورىندالۋ مەن تيىمدىلىك كورسەتكىشتەرىنىڭ 2016 جىلدىڭ قورتىندىسى بويىنشا ەسەبى بەكىتىلدى.
«قازاقستاننىڭ تۇرعىن ءۇي قۇرىلىس جيناق بانكى» اق «بايتەرەك» ۇلتتىق باسقارۋشى حولدينگىنىڭ ەنشىلەس ۇيىمى بولىپ تابىلادى.
