شاراعا قازاقستان مەن رەسەيدىڭ وقۋ ورىندارىنان بەلگىلى بيولوگ عالىمدار شاقىرىلدى. ءبىلىم ورداسىنىڭ رەكتورى ەركىن ءابىل كونفەرەنتسيا قوناقتارى مەن وعان قاتىسۋشىلاردى وسى ماڭىزدى شارانىڭ وتۋىمەن قۇتتىقتادى جانە ەكولوگيا, تابيعات قورعاۋ ماسەلەسىن كوتەرىپ جۇرگەن عالىمدار جۇمىسىنا تابىس تىلەدى.
كونفەرەنتسيانىڭ پلەنارلىق ماجىلىسىندە بەلگىلى بيولوگ عالىم, قازاقستانداعى تابيعي قورىقتار جۇيەسىنىڭ ساقتالۋىنا كوپ ەڭبەك ءسىڭىرىپ جۇرگەن تاتيانا براگينا, بيولوگيا عىلىمدارىنىڭ دوكتورى, ل.گۋميلەۆ اتىنداعى ەۋرازيا ۋنيۆەرسيتەتىنىڭ پروفەسسورى مۇرات نۇرىشەۆ, بيولوگيا عىلىمدارىنىڭ دوكتورى ەۆگەني براگين جانە تاعى باسقالار تەرەڭ مازمۇندى باياندامالار جاسادى. باياندامالاردا قازاقستانداعى كيىكتەر توبىرىن ساقتاپ قالۋدىڭ پروبلەمالارى مەن ونى شەشۋ جولدارى, ەلىمىزدەگى تابيعات اۋماقتارىن قورعاۋدى دامىتۋدىڭ زاڭنامالىق بازاسى وزگەرۋىنىڭ تاريحى, حح عاسىردىڭ جارتىسى مەن ءححى عاسىرداعى قوستاناي وبلىسى ءوڭىرى اۆيافاۋناسىنىڭ, سونداي-اق سولتۇستىك ەۋرازيا قۇستارىنىڭ, ورنيتوفاۋناسىنىڭ وزگەرىستەرى سەكىلدى وزەكتى ماسەلەلەر كوتەرىلدى.
مۇنان كەيىن كونفەرەنتسياعا قاتىسۋشىلار سەكتسيالارعا ءبولىنىپ جۇمىس ىستەدى. سونىمەن قاتار, كونفەرەنتسيا شەڭبەرىندە عالىمدار ناۋىرزىم قورىعىنا بارادى.
ءنازيرا جارىمبەتوۆا
«ەگەمەن قازاقستان»
قوستاناي
