2017 جىل – ءۇشىنشى جاڭعىرۋدى ىسكە اسىرۋ قولعا الىنىپ, قازاقستاننىڭ ەكونوميكالىق ءوسۋىنىڭ جاڭا ۇلگىسىن جاساعان جاڭا ءداۋىردىڭ باسى بولدى.
كونستيتۋتسيالىق رەفورما وسى مىندەتتەردى شەشۋگە ارنالعان قوعامدىق-ساياسي جاعدايلاردى قالىپتاستىردى.
قوعامدىق سانانىڭ جاڭعىرۋى زاڭدى بولىپ تابىلادى جانە وبەكتيۆتى تۇردە قاجەت, قازاقستاننىڭ بۇكىل دامۋ ستراتەگياسىنا تۇتاستىق بەرەدى.
قوعامنىڭ رۋحاني جاڭعىرۋى ۇزدىك داستۇرلەر مەن ۇلتتىق-مادەني تامىرلارىمىزعا ارقا سۇيەۋى كەرەك.
باسەكەگە قابىلەتتىلىك, پراگماتيزم, ۇلتتىق بىرەگەيلىكتى ساقتاۋ بۇكىل قازاقستان حالقىنا جانە ءبىزدىڭ ارقايسىمىزعا ءتان قاسيەتكە اينالۋعا ءتيىس.
ءبىز بىلىمگە قۇشتارلىقتى قول جەتكىزەر تابىستىڭ ەڭ ىرگەلى فاكتورى رەتىندە ىلگەرىلەتەتىن بولامىز.
قازاقستان حالقى اسسامبلەياسىنىڭ سەسسياسى تەك ەۆوليۋتسيالىق دامۋ عانا وركەندەۋگە جول اشاتىنى تۋرالى يدەيانى قولدايدى. بۇل ازاماتتىق دامۋدىڭ قاعيداتىنا جانە ءار ازاماتتىڭ ىشكى سەنىمىنە اينالۋعا ءتيىس.
بۇل امالدار قوعامدىق سانانىڭ جاڭعىرۋىنىڭ نەگىزى بولادى.
قازاقستان حالقى اسسامبلەياسى تاياۋ جىلدارعا ارنالعان كۇن ءتارتىبىنىڭ ىسكە اسىرىلۋىنا بارىنشا بەلسەندى قاتىساتىن بولادى.
جاڭارۋعا دەگەن ىشكى ۇمتىلىسىمىز ءبىزدىڭ دامۋىمىزدىڭ ءتۇيىندى قاعيداتى رەتىندە ءبىزدىڭ ماقساتتارىمىزدىڭ بىرلىگىن, قۇندىلىقتاردىڭ ورتاقتىعىن جانە قوعامدىق كەلىسىمنىڭ قۋاتىن ايقىندايدى.
جەكەلەگەن ادامداردىڭ ەمەس, تۇتاس حالىقتىڭ باسەكەگە قابىلەتتىلىگىن ارتتىرعان ۇلت قانا تابىسقا قول جەتكىزەدى.
ءبىز قازاقستاندىقتاردى العا قويىلعان مىندەتتەردى ىسكە اسىرۋعا بەلسەنە قاتىسۋعا شاقىرامىز.
ءبىز تۇراقتىلىق, بىرلىك پەن كەلىسىم قوعامنىڭ ەكونوميكالىق, ساياسي جانە رۋحاني جاڭعىرۋ ماقساتتارىنا تابىستى قول جەتكىزۋىنىڭ نەگىزى مەن باستى شارتى بولاتىنىنا سەنىمدىمىز!
العا, قازاقستان!
قازاقستان حالقى اسسامبلەياسىنىڭ سەسسياسى,
استانا قالاسى, 2017 جىلعى 26 ءساۋىر
