قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ قۇرىلعانىنا 25 جىل تولۋ قۇرمەتىنە ارنالعان مەرەكەلىك مەدال جانە مەرەكەلىك بەلگى تۋرالى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ قۇرىلعانىنا 25 جىل تولۋ قۇرمەتىنە قاۋلى ەتەمىن:
1. «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە 25 جىل» مەرەكەلىك مەدالى جانە «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى» مەرەكەلىك بەلگىسى تاعايىندالسىن.
2. قوسا بەرىلىپ وتىرعان:
1) «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە 25 جىل» مەرەكەلىك مەدالىمەن جانە «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى» مەرەكەلىك بەلگىسىمەن ناگرادتاۋ قاعيدالارى;
2) «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە 25 جىل» مەرەكەلىك مەدالىنىڭ سيپاتتاماسى جانە ۇلگىسى;
3) «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى» مەرەكەلىك بەلگىسىنىڭ سيپاتتاماسى جانە ۇلگىسى بەكىتىلسىن.
3. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن. نازارباەۆ
استانا, اقوردا, 2017 جىلعى 25 ءساۋىر № 467
«قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە 25 جىل» مەرەكەلىك مەدالىمەن جانە «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى» مەرەكەلىك بەلگىسىمەن ناگرادتاۋ قاعيدالارى
1. وسى قاعيدالار «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە 25 جىل» مەرەكەلىك مەدالىمەن (بۇدان ءارى – مەرەكەلىك مەدال) جانە «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى» مەرەكەلىك بەلگىسىمەن (بۇدان ءارى – مەرەكەلىك بەلگى) ناگرادتاۋ ءتارتىبىن رەتتەيدى.
2. مەرەكەلىك مەدالمەن جانە مەرەكەلىك بەلگىمەن قىزمەتى بويىنشا وڭ سيپاتتالاتىن جانە ءوز قىزمەتتىك بورىشىن ۇلگىلى ورىندايتىن 20 جىلدان كەم ەمەس قىزمەت ءوتىلى بار جانە 2017 جىلعى 13 شىلدەدە قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىندا قىزمەتتە تۇرعان قىزمەتكەرلەر مەن اسكەري قىزمەتشىلەر, قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ زەينەتكەرلەرى جانە قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىن قۇرۋعا ەلەۋلى ۇلەس قوسقان باسقا دا ادامدار ناگرادتالادى.
3. مەرەكەلىك مەدالمەن جانە مەرەكەلىك بەلگىمەن ناگرادتاۋ تۋرالى وتىنىشتەردى ۇسىنۋ جانە قاراۋ ءتارتىبىن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى ايقىندايدى.
4. مەرەكەلىك مەدالدى جانە مەرەكەلىك بەلگىنى تاپسىرۋدى قازاقستان رەسپۋبليكاسى پرەزيدەنتىنىڭ اتىنان:
1) قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى;
2) قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارلارى;
3) قازاقستان رەسپۋبليكاسى ۇلتتىق قاۋىپسىزدىك كوميتەتى ۆەدومستۆولارىنىڭ, قۇرىلىمدىق بولىمشەلەرىنىڭ, اۋماقتىق جانە وزگە دە ورگاندارىنىڭ باستىقتارى;
4) قازاقستان رەسپۋبليكاسى ۇلتتىق قاۋىپسىزدىك كوميتەتى اسكەري بولىمدەرىنىڭ (مەكەمەلەرىنىڭ) كومانديرلەرى (باستىقتارى), ارناۋلى (اسكەري) وقۋ ورىندارىنىڭ باستىقتارى جۇرگىزەدى.
ناگرادتالعان ادامعا مەرەكەلىك مەدالمەن جانە مەرەكەلىك بەلگىمەن بىرگە بەلگىلەنگەن ۇلگىدەگى كۋالىك تابىس ەتىلەدى.
5. مەرەكەلىك مەدالدى جانە مەرەكەلىك بەلگىنى ناگرادتالاتىن ادامنىڭ جەكە وزىنە تاپسىرۋ سالتاناتتى جاعدايدا وتكىزىلەدى. تاپسىرۋ الدىندا قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ناگرادتاۋ تۋرالى بۇيرىعى جاريالانادى.
6. مەرەكەلىك مەدال جانە مەرەكەلىك بەلگى كەۋدەنىڭ سول جاعىنا تاعىلادى. قازاقستان رەسپۋبليكاسىنىڭ مەملەكەتتىك ناگرادالارى بولعان كەزدە ولاردان كەيىن ورنالاستىرىلادى.
7. مەرەكەلىك مەدالدىڭ جانە مەرەكەلىك بەلگىنىڭ تابىس ەتىلگەنى تۋرالى ناگرادتاۋعا ارنالعان تىزىمگە ءتيىستى جازبا جاسالادى.
تابىس ەتىلمەگەن مەرەكەلىك مەدالدار, مەرەكەلىك بەلگىلەر مەن ولارعا كۋالىكتەر قايتارىلۋ سەبەپتەرى كورسەتىلە وتىرىپ, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ كادر دەپارتامەنتىنە قايتارىلادى, ول تۋرالى تىزىمدەرگە ءتيىستى بەلگى جاسالادى.
وتكىزىلگەن ناگرادتاۋلاردى ەسەپكە الۋ, سونداي-اق مەرەكەلىك مەدالداردى تابىس ەتۋ بارىسى تۋرالى ەسەپتىلىكتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ كادر دەپارتامەنتى جۇرگىزەدى.
