Kapital.kz: بيزنەستىڭ ارالاسۋىمەن بالاباقشا ماسەلەسى شەشىمىن تابۋدا
2016 جىلى اشىلعان بالاباقشالار مەن شاعىن ورتالىقتاردىڭ 78 پايىزىن كاسىپكەرلەر اشقان. مەملەكەت پەن بيزنەستىڭ ارىپتەستىگىنىڭ ارقاسىندا مەكتەپكە دەيىنگى ءبىلىم بەرۋ مەكەمەلەرىندەگى ورىن تاپشىلىعى 40 پايىزعا ازايىپ, 145,2 مىڭنان 86,8 مىڭعا دەيىن تومەندەدى. ساراپشىلاردىڭ پىكىرىنشە, عىلىم مەن ءبىلىمدى دامىتۋدىڭ مەملەكەتتىك باعدارلاماسىنىڭ كومەگىمەن 2017 جىلدىڭ سوڭىندا ورىن تاپشىلىعى 55,9 مىڭعا ازايىپ, 2020 جىلعا قاراي بۇل ماسەلە ءبىرجولا شەشىمىن تاپپاق.
2016 جىلى 3-6 جاس ارالىعىنداعى بۇلدىرشىندەردىڭ 86 پايىزى مەكتەپكە دەيىنگى ءبىلىم بەرۋ مەكەمەلەرىمەن قامتىلدى. بۇل كورسەتكىش 2015 جىلى 82 پايىز بولاتىن. ونىڭ وسۋىنە وتكەن جىلى 825 جاڭا بالاباقشانىڭ اشىلۋى سەبەپ بولعان. سونىڭ ىشىندە 652-ءسىن بيزنەسمەندەر اشقان كورىنەدى.
قازىرگى تاڭدا باتىس قازاقستان شىعىس قازاقستان, سولتۇستىك قازاقستان, پاۆلودار مەن قوستاناي وبلىستارىندا 3-6 جاس ارالىعىنداعى بۇلدىرشىندەر 100 پايىز بالاباقشامەن قامتىلعان. ال ماڭعىستاۋ (81,5%) مەن وڭتۇستىك قازاقستان (67,9%) وبلىستارى جانە استانا (73,7%) مەن الماتى (80,2%) قالالارى رەسپۋبليكالىق كورسەتكىشتەن قالىپ كەلە جاتىر.
Forbes: داعدارىس كەزىندە جىلجىمايتىن م ۇلىككە اقشا سالۋ كەرەك پە؟
2017 جىلدىڭ العاشقى ءۇش ايىندا قازاقستان بويىنشا 55 مىڭ پاتەر ساۋداعا شىعارىلسا, سونىڭ 50,7 مىڭى ساتىلعان. ۇسىنىستىڭ كوپتىگىنە جاڭادان سالىنۋشى ۇيلەر مەن قايتالاما نارىقتاعى ساتىلاتىن ۇيلەردىڭ سانىنىڭ ارتۋى سەبەپ بولعان.
ناقتىراق ايتار بولساق, 2017 جىلدىڭ العاشقى ماۋسىمىندا رەسپۋبليكا بويىنشا 25,2 مىڭ جاڭا پاتەر مەن قايتالاما نارىقتاعى 30 مىڭداي پاتەر ساۋداعا قويىلدى. بۇل وتكەن جىلدىڭ وسى ۋاقىتىنداعى كورسەتكىشتەن 18%-عا ارتىق.
وڭىرلەر بويىنشا استانادا ساۋدا قىزۋ. قاڭتار-ناۋرىز ارالىعىندا ەلوردادا ۇزىن سانى 907 مىڭ شارشى مەتر بولاتىن 9 مىڭ پاتەر سالىنعان. قازىرگى تاڭدا ءالى 1 ملن شارشى مەتر ءۇي سالىنىپ جاتىر.
حالىقتىڭ ناقتى تابىسىنىڭ ازايعانى مەن سونىڭ ناتيجەسىندە يپوتەكانىڭ بەرىلۋىنىڭ سيرەگەنىنە قاراماستان, وتكەن جىلى حالىقتىڭ ۆاليۋتالىق سالىمدارى ەسەبىنەن جىلجىمايتىن م ۇلىك ساۋداسىنا قان جۇگىردى. ول كەزدە حالىقتىڭ 80%-ى قاراجاتتى وزگە ۆاليۋتادا ساقتاعان بولاتىن.
ساراپشىلاردىڭ پىكىرىنشە, وسىنىڭ ارقاسىندا رەسپۋبليكا تۇرعىندارىنىڭ تولەم قابىلەتى ساقتالىپ قالعان.
قازىرگى تاڭدا ەلدەگى جىلجىمايتىن م ۇلىككە سۇرانىس پەن ۇسىنىستىڭ قاتىناسى 10/12 دەڭگەيىندە, ال استانادا 10/19 شاماسىندا.
LS: Allur Group كومپانياسىنىڭ قىتايعا ساتىلعانى كولىك نارىعىنا قالاي اسەر ەتەدى؟
جاقىندا قىتاي ينۆەستورلارى «AllurGroup» كومپانياسىنىڭ 51% اكتسياسىن ساتىپ العانى تۋرالى حابارلانعان ەدى.
ستراتەگيالىق قۇجاتقا قىتايلىق سمس كومپانياسىنىڭ پرەزيدەنتى Wang Xusheng مەن Allur Group اكتسيونەرى ءارى ديرەكتورلار كەڭەسىنىڭ مۇشەسى يۋري تسحاي قول قويدى. كەلىسىم سوماسى تۋرالى ناقتى شەشىم مەن ستراتەگيالىق جوسپار ەكى ايدان سوڭ انىقتالادى. قىتايلىق كومپانيا كاپيتالعا جىل سوڭىنا دەيىن ەنۋى ءتيىس.
وسى كەزەڭنىڭ وزىندە قىتايلىق ينۆەستورلار ورتالىق ازيا ەلدەرىن, رەسەي, بەلارۋس نارىقتارىن جاۋلاپ الۋدى كوزدەپ وتىر. تسحايدىڭ سوزىنشە, كومپانيادا جۇمىس ىستەيتىن قىزمەتكەرلەردىڭ 90%-ىن قازاقستان ازاماتتارى قۇرايتىن بولادى. ال قىتايلىقتار تەك توپ-مەنەدجەرلەردىڭ مىندەتىن اتقارادى.
تىلشىلەردىڭ ساۋالىنا جاۋاپ بەرگەن يۋري تسحاي كومپانيادا باسقا امال قالماعانىن اشىپ ايتقان بولاتىن.
ساراپشىلاردىڭ پىكىرىنشە, كومپانياعا قىتاي ماماندارىنىڭ كەلە باستاۋى ءبىرىنشى كەزەكتە تەحنولوگيا ترانسفەرىنە جول اشادى. ياعني, وتاندىق كولىك قۇراستىرۋ سالاسى جاڭا تەحنولوگيالارمەن جابدىقتالادى دەگەن ءۇمىت بار.
سونىمەن قاتار, كومپانيا باسشىلىعىنىڭ وزگەرۋى ءونىمنىڭ ساتۋ نارىعىن كەڭەيتە تۇسپەك. ەستەرىڭىزگە سالا كەتەيىك, تاجىك كاسىپكەرلەرى 24 ملن دوللارعا قازاقستاندا جاسالعان 1500 Peugeot 301 سەدانى مەن 500 JAC S3 كروسسوۆەرىنە تاپسىرىس بەرگەن ەدى.
Abctv.kz: جەكەمەنشىك مەديتسينا مەملەكەتتىك تاپسىرىسقا ءزارۋ
قازاقستانداعى مەديتسينالىق بيزنەس مەملەكەت تاراپىنان اشىقتىقتى سەزىنە الماي وتىر. «اتامەكەن» كاسىپكەرلەردىڭ ۇلتتىق پالاتاسى توراعاسىنىڭ ورىنباسارى يۋليا ياكۋپباەۆانىڭ ايتۋىنشا, جەكەمەنشىك مەديتسينالىق ۇيىمدار مەملەكەتتىك تاپسىرىسقا قول جەتكىزۋدە ادىلەتسىزدىكپەن بەتپە-بەت كەلۋدە.
«قازاقستاندىق جەكە مەديتسينالىق قۇرىلىمدار قاۋىمداستىعى» زتب پرەزيدەنتى گۇلنار وتەپوۆا دا مەديتسينالىق كومەك كورسەتۋگە تاپسىرىس ءبولۋ قاعيدالارى مەديتسينالىق بيزنەسكە تۇسىنىكسىز ەكەنىن راستادى. «ءبىز مەديتسينانى دامىتۋ ءۇشىن ءوز اقشامىزدى سالامىز, مەملەكەتتەن ءبىر تيىن دا المايمىز. وكىنىشكە قاراي, مەملەكەت تە ءبىزدى قۇر قالدىرىپ وتىر. ءبىز نەسيە الامىز, ءوز اقشامىزدى سالامىز. مەنى بارلىق جەكەمەنشىك ۇيىمدار قولدايدى دەپ ويلايمىن, بۇگىنگى كۇنى الاڭداتاتىن نەگىزگى ماسەلە مىناۋ – ءبىزدى ءمامس جۇيەسىنە قانشالىقتى تارتادى. ارينە وسىعان بايلانىستى قارجىلىق جانە وپەراتسيالىق تاۋەكەلدەر بار. ءمامس جۇيەسىن تابىستى ەنگىزۋ ءۇشىن مەملەكەت وعان جەكەمەنشىك بيزنەستى تارتۋى كەرەك. دەنساۋلىق ساقتاۋ سالاسىندا ادال باسەكەلەستىك بولعاندا عانا مەديتسينا ساپالى دەڭگەيگە كوتەرىلەدى. ال بۇل تۇپتەپ كەلگەندە ءوز ازاماتتارىمىزدىڭ دەنساۋلىعى», – دەدى گۇلنار وتەپوۆا.
«سونىمەن بىرگە ءبىز تاريف بەلگىلەۋ ماسەلەسىن ءجيى كوتەرەمىز. ءمجا-گە تاپسىرىلاتىن كومپانيالار دىڭ سانى ارتۋ ءۇشىن مەديتسينالىق قىزمەتتەردىڭ تاريفتەرىن وزگەرتۋ كەرەك, وكىنىشكە قاراي, بۇگىنگى كۇنى ولار باسەكەگە قابىلەتسىز, ءوز شىعىنىن وتەي المايدى, سول سەبەپتى ينۆەستورلار ءۇشىن تارتىمسىز. ولاردا امورتيزاتسيالىق شىعىندار, قۇنى 5 ملن تەڭگەدەن اساتىن جابدىقتارعا جۇمسالاتىن شىعىندار, كۇردەلى جانە اعىمدىق جوندەۋ جۇمىستارىنا كەتەتىن شىعىندار, سونداي-اق بانكتەن الىنعان نەسيە بويىنشا پايىز ەسكەرىلمەيدى», – دەدى كۇپ توراعاسىنىڭ ورىنباسارى.
كاسىپكەرلەردىڭ ۇلتتىق پالاتاسى تمككك مەن ءمامس اياسىندا مەديتسينالىق كومەك كورسەتۋدە جەكەمەنشىك مەديتسينالىق ۇيىمداردىڭ رەسۋرستارىن بارىنشا كوبىرەك تارتۋدى ۇسىندى.
