قر پرەزيدەنتىنىڭ اتاپ وتۋىنشە, اسسامبلەيانىڭ قوعامدىق كەلىسىم كەڭەسى بۇگىندە قوعام مەن ادامنىڭ سۇحبات الاڭى بولىپ وتىرعاندىعىن اتاپ ءوتتى.
«2016 جىلى كەڭەس 2 مىڭنان استام ناقتى پروبلەمانى شەشتى. ياعني, اسسامبلەيا قاراپايىم ادامداردىڭ پروبلەمالارىن شەشۋدە. مەنىڭ تاپسىرماممەن كەڭەس جەرگىلىكتى ءوزىن ءوزى باسقارۋدى دامىتۋعا دا قاتىسۋدا. مۇنى ءبىزدىڭ ساياسي پارتيامىز «نۇر وتانمەن» بىرگە جۇزەگە اسىرۋ قاجەت. ءدىن ىستەرى جانە ازاماتتىق قوعام مينيسترلىگىنە وبلىس اكىمدىكتەرىمەن بىرلەسىپ, اسسامبلەيانىڭ بارلىق دەڭگەيدەگى قوعامدىق كەلىسىم كەڭەستەرىنىڭ 2017-2018 جىلدارعا ارنالعان ءدىني ەكسترەميزمگە, تەرروريزمگە قارسى ءىس-قيمىل جوسپارىن ازىرلەۋدى تاپسىرامىن. جۇرت ءبارىن بىلەدى, ەشنارسەنى جاسىرۋ مۇمكىن ەمەس», - دەدى مەملەكەت باسشىسى.
ەلباسى قوعامدىق كەلىسىم كەڭەسىنىڭ جۇمىسىن رەگلامەنتتەۋ قاجەتتىگىن, ونىڭ ناقتى جۇمىس كريتەريى بولۋى تيىستىگىن دە باسا ايتتى.
«سوندىقتان اسسامبلەيا حاتشىلىعى ۇكىمەتكە بىزگە نە ىستەۋ قاجەتتىگى جايىندا سايكەسىنشە ۇسىنىستار ەنگىزۋى قاجەت», - دەدى ن.نازارباەۆ.
