وسىعان بايلانىستى ماڭعىستاۋ وبلىستىق ورمان شارۋشىلىعى جانە جانۋارلار دۇنيەسى اۋماقتىق ينسپەكتسياسىنىڭ, قر ەم ەكولوگيالىق رەتتەۋ جانە باقىلاۋ كوميتەتىنىڭ ماڭعىستاۋ وبلىسى بويىنشا ەكولوگيا دەپارتامەنتىنىڭ, تۇپقاراعان اۋدانىنىڭ ۆەتەريناريا قىزمەتىنىڭ جانە ماڭعىستاۋ وبلىسى توتەنشە جاعدايلار دەپارتامەنتىنىڭ وكىلدەرىنەن قۇرالعان جەدەل توپ وقيعانىڭ ورىن الۋ سەبەبىن انىقتاۋدا. تەڭىز جانۋارلارى ولگەن جەردىڭ سۋى مەن توپىراعىنان سىنامالار الىنىپ, ارنايى زەرتحانادا تەكسەرىلىپ جاتىر.
سونىمەن قاتار, كاسپي يتبالىعىنىڭ ساندىق ديناميكاسىن زەرتتەپ, ونىڭ پوپۋلياتسياسىنا قاتەر توندىرەتىن فاكتورلاردى كەشەندى باعالاۋ ءۇشىن «قازاق بالىق شارۋاشىلىعى عىلىمي-زەرتتەۋ ينستيتۋتى» جشس گيدروبيولوگيا جانە ەكولوگيا ينستيتۋتىنىڭ ماماندارىمەن بىرلەسىپ, ينسپەكتسيا قىزمەتكەرلەرى دۋرنەۆ ارالىنا ەكسپەديتسيا ۇيىمداستىرۋدا.
وسى جىلدىڭ 16 ءساۋىرى مەن 18 مامىرى ارالىعىنا جوسپارلانىپ وتىرعان بۇل ەكسپەديتسيا جۇمىسىنىڭ ناتيجەسىندە, تەڭىز جانۋارلارى ءولىمىنىڭ ناقتى سەبەپتەرى جان-جاقتى زەرتتەلىپ, ولاردىڭ ءولىم قاۋپىن تومەندەتۋ بويىنشا ۇسىنىستار مەن جوبالار ازىرلەنەدى.
