وڭىرلىك توتەنشە جاعدايلار دەپارتامەنتىنىڭ مالىمەتىنشە, اپاتتىق-قۇتقارۋ جانە جەدەل جۇمىستار بارىسىندا سۋ باسقان ايماقتاردان 1906 ادام ەۆاكۋاتسيالانىپ, 5486 ءىرى قارا مال باسى قاۋىپسىز جەرگە كوشىرىلگەن. سۋ تاسقىنى كەزەڭىندە ەلدى مەكەندەردى قورعاۋ جانە ەرىگەن قار سۋىن جىبەرۋ ءۇشىن 17,415 شاقىرىم قورعاۋ بوگەتتەرى بەكىتىلىپ, 35 100 بىرلىك قۇم قاپتارى 1 264,5 تەكشە مەتر سۋدىڭ تارتىلۋىنا سەپ بولعان.
وسى شارالاردا وبلىس بويى-
نشا اۆارaيالىق-قۇتقارۋ جانە جەدەل جۇمىستارىنا جەكە قۇرامنان بارلىعى 2503 ادام, 746 بىرلىك تەحنيكا, 7 سۋ تارتاتىن قۇرىلعى جانە 29 سۇڭگۋىر جۇمىلدىرىلعان.
الدىن الۋ شارالارىنا قاراماستان, قار سۋى قاتتى قارقىن الىپ, 17 ساۋىردە نۇرا اۋدانىنىڭ تاسسۋات اۋىلىندا نۇرا وزەنىنىڭ سۋ دەڭگەيىنىڭ كوتەرىلۋىنە بايلانىستى 10 ءۇيدى سۋ باستى. الدىن الا 56 ادام تۋىسقاندارىنا ەۆاكۋاتسيالاندى. جۇمىستارعا 59 ادام مەن 36 ءبىرلىك تەحنيكا جۇمىلدىرىلدى.
اقتوبە اۋىلىنداعى سۋ دەڭگەيىنىڭ تومەندەۋىنە بايلانىستى الدىندا ەۆاكۋاتسيالانعان 62 ادام مەن اندرەينيكوۆكا اۋى-
لىنداعى 10 ادام ءوز ۇيلەرىنە قايتتى. جاعداي باقىلاۋدا تۇر.
ميراس اسان,
«ەگەمەن قازاقستان»
قاراعاندى وبلىسى
