ول ماحامبەت, كىرپىشتى اۋىلدارى مەن باۋ-باقشا ۇجىمدارىنىڭ اعىمداعى جاعدايىمەن تانىسىپ, ەلەك, سازدى وزەندەرىنىڭ ساعاسىن قاراپ شىقتى.
بەردىبەك ساپارباەۆ ساياجاي القاپتارى تۇرعىندارىن تىڭداپ, ۇيلەرىن ارالاپ شىقتى.
– جاعداي وڭاي ەمەس, ارينە, جانە تەك اقتوبەنىڭ باسىنا ءتۇسىپ وتىرعان جوق. بۇل ۋاقىتشا قيىندىقتار, كىشكەنە سابىر ساقتاۋ قاجەت. ءبىزدىڭ ءمىندەتىمىز – وسى ماسەلەنىڭ شەشىلۋىنە بارىنشا اتسالىسۋ. ەڭ باستىسى – دۇرلىكپەي, بىرلەسە وتىرىپ ءبىر-ءبىرىمىزدى قولداۋعا ءتيىسپىز. ەشكىم نازاردان جانە ءجاردەمنەن تىس قالمايدى, ءبىراق كورسەتىلەتىن كومەكتىڭ بارلىعى زاڭ اياسىندا بولادى. كەلتىرىلگەن شىعىندى انىقتاپ, سۋ تاسقىنى سالدارىن بولدىرماۋ شارالارىن جۇرگىزەتىن قالالىق كوميسسيا قۇرىلعان بولاتىن. كوميسسيا ءاربىر وتباسىمەن جەكە-جەكە جۇمىس جاساپ, ولاردىڭ ماتەريالدىق جاعدايىن قاراستىرا وتىرىپ, شىعىندارىن باعالايدى. بىراق, ول ءۇشىن قۇقىق بەلگىلەۋشى قۇجاتتار قاجەت. كوميسسيا ءاربىر ءۇي بويىنشا ناقتى شەشىم قابىلدايتىن بولادى, – دەپ تۇيىندەدى ءوز ويىن ءوڭىر باسشىسى.
سونداي-اق, وبلىس اكىمى №40 جانە قارعالى ورتا مەكتەپتەرىندەگى ۋاقىتشا ورنالاستىرۋ بەكەتتەرىنە دە باردى. مۇندا 500-دەن اسا ادام بار, ولاردىڭ 200-ءى بالا.
ەسكە سالا كەتەيىك, اقتوبەدە جەرگىلىكتى اۋقىمداعى تابيعي سيپاتتاعى توتەنشە جاعداي جاريالانعان بولاتىن. وڭىردە ساياجايلارداعى 597 ءۇي مەن اۋلانى سۋ باسىپ, 1510 ادام قاۋىپسىز جەرلەرگە كوشىرىلدى, 69-ى قۇتقارىلدى. ادامدار سۋ باسقان ورىنداردان كەرەۋەت, كورپە-توسەك, ىستىق تاعامدارى بار ۋاقىتشا كوشىرۋ ورىندارىنا ورنالاستىرىلدى. ورتا مەكتەپتەر جانىنان 7 بەكەت اشىلدى. ونىڭ تورتەۋىنە 832 ادام ورنالاستىرىلسا, 325-ءى بالالار.
تەمىر قۇسايىن,
«ەگەمەن قازاقستان»
اقتوبە وبلىسى
