ماماندار جاعدايدىڭ ءجىتى باقىلاۋدا ەكەنىن العا تارتتى. قاۋىپسىزدىكتى قامتاماسىز ەتۋ بويىنشا قويىلعان مىندەتتەر جۇيەلى تۇردە ىسكە اسىرىلىپ كەلەدى.
– سوڭعى بىرنەشە كۇندە «WhatsApp» جەلىسى ارقىلى قارعالى بوگەتى جارىلىپ, الماتى اۋماعىن سۋ شايىپ كەتۋ قاۋپى بار, دەپ ەلدى ءدۇرلىكتىرگەن جالعان حابارلاما تاراي باستادى. وسىعان بايلانىستى, الماتى قالاسى توتەنشە جاعدايلار دەپارتامەنتىنىڭ اتىنان بۇل اقپاراتتىڭ شىندىققا جاناسپايتىنىن مالىمدەيمىز. قازىرگى ۋاقىتتا بوگەت ترانزيتتىك رەجىمدە جۇمىس ىستەۋدە. وسى ارقىلى سۋ ەركىن اعىپ, بوگەت تولمايدى. سۋ شىعىنى سەكۋندىنا 0,51 تەكشە مەتردەن اسپايدى. بوگەتتىڭ قۇرىلىمىندا قاقپا بولماعاندىقتان, سۋ اعۋ جۇيەسى اۆتوماتتى تۇردە رەتتەلەدى. قازىرگى ۋاقىتتا سۋ تولماعان. ءبوگەت كەستەلى تۇردە جۇمىس ءىستەۋدە. جاعدايعا بايلانىستى, اگەۋ «كازسەلەزاششيتا» كچس پەن ىشكى ىستەر مينيسترلىگى كۇنىنە 3 رەت رەيتينگ جۇرگىزۋدە. ەش الاڭداۋعا نەگىز جوق. جاعداي تۇراقتى باقىلاۋدا, – دەدى الماتى قالاسى توتەنشە جاعدايلار دەپارتامەنتىنىڭ رەسمي وكىلى ساندۋعاش بايمۇحامبەتوۆا.
سونداي-اق, توتەنشە جاعدايلار قىزمەتىنىڭ ماماندارى جۇرتتى داۋرىقتىرىپ جالعان اقپارات تاراتقاندار اكىمشىلىك جانە قىلمىستىق جاۋاپكەرشىلىككە تارتىلاتىنىن ايتتى.
ارمان وكتيابر,
«ەگەمەن قازاقستان»
الماتى
