ساپار بارىسىندا د.اباەۆ بەلارۋس رەسپۋبليكاسىنىڭ «جوعارى تەحنولوگيالار پاركىندە» بولىپ, پاركتىڭ جانە IT سالاداعى بيزنەس-ينكۋباتورلاردىڭ جۇمىسىمەن تانىستى. پارك باسشىلىعىمەن كەزدەسۋدىڭ قورىتىندىسى بويىنشا جتپ مەن «زەردە» حولدينگىنىڭ اراسىندا تىعىز ىنتىماقتاستىق پەن تاجىريبە الماسۋ بويىنشا كەلىسىمگە قول جەتكىزىلدى.
بۇدان بولەك, د.اباەۆ بايلانىس سالاسىنداعى وڭىرلىك دوستاستىقتىڭ بايلانىس اكىمشىلىكتەرى باسشىلارى كەڭەسىنىڭ 52-ءشى وتىرىسىنا جانە تمد-عا مۇشە مەملەكەتتەردىڭ اقپاراتتاندىرۋ جونىندەگى ۇيلەستىرۋ كەڭەسىنىڭ 23-ءشى وتىرىسىنا قاتىستى.
بايلانىس سالاسىنداعى وڭىرلىك دوستاستىق وتىرىسى شەڭبەرىندە د.اباەۆ ازەربايجان, رەسەي, وزبەكستان ەلدەرى بايلانىس اكىمشىلىگىنىڭ باسشىلارىمەن, سونداي-اق حالىقارالىق ەلەكتر بايلانىسى وداعىنىڭ باس حاتشىسى ح.چجاومەن بىرقاتار ەكىجاقتى كەزدەسۋلەر وتكىزدى.
سونىمەن قاتار, د.اباەۆ ەۋرازيالىق ەكونوميكالىق وداقتىڭ تسيفرلىق كۇن ءتارتىبىن ازىرلەۋ جونىندەگى ەاەو ۋاكىلەتتى ورگاندارى باسشىلارىنىڭ وتىرىسىنا قاتىستى. وتىرىس بارىسىندا تاراپتار بىرلەسكەن تسيفرلىق جوبالاردى ازىرلەۋ ماسەلەلەرىن قاراستىردى.
