تۇركىمەن xالقى جىلقى جانۋارىن, اسىرەسە, اقالتەكە تۇلپارىن ەرەكشە قادىر تۇتادى. مەملەكەتتىڭ ەلتاڭباسىندا اقالتەكەنىڭ بەينەلەنۋى سونىڭ ءبىر ايعاعى بولسا كەرەك. گۋربانگۋلى بەردىمۇxامەدوۆ تە وسى جىلقىنىڭ قىر-سىرىن جاقسى بىلەدى. سونىڭ ءبارىن ول «اقالتەكە تۇلپارى – ماقتانىشىمىز بەن ابىرويىمىز» اتتى ەڭبەگىندە كەڭىنەن بايانداعان. «كوك تۇلپارلارىنىڭ سامعاۋى» اتتى فوتوالبوم-كىتابىندا تۇركىمەن ەلىندەگى جىلقى شارۋاشىلىعى, وسى سالاداعى ۇلتتىق داستۇرلەر, سونداي-اق تۇركىمەنستان مەملەكەتتىك ساياساتىنىڭ باسىم باعىتتارى جايىندا ايتىلدى. ال «تۇلپاردىڭ شاپشاڭ شابىسى» ەڭبەگىندە گۋربانگۋلى بەردىمۇxامەدوۆ تۇركىمەن تۇلپارىن ۇلتتىق قۇندىلىقتاردىڭ ءبىرى رەتىندە كورسەتىپ, سونى عىلىمي, تاريxي جانە ادەبي-بيوگرافيالىق تۇرعىدا دالەلدەپ شىقتى.
«بۇگىن مەن ۇلتتىق مۋزەيدى ارالاعاندا قازاق پەن تۇركىمەن xالىقتارىنىڭ تاريxي, مادەني جاعىنان جاقىن ەكەنىنە تاعى ءبىر مارتە كوز جەتكىزدىم. ۇلتتىق جادىگەرلەر, ايەلدەردىڭ اشەكەيلەرى جانە تاعى باسقا ورتاق قۇندىلىقتارىمىز بارشىلىق. جىلقى جانۋارىنا جاقىندىعىمىز دا ۇقساس. ماسەلەن, بىزدە «تاڭەرتەڭ تۇرعاندا الدىمەن اكەڭمەن, سوسىن اتىڭمەن امانداس» دەگەن قاعيدا بار. ال تاريxقا ۇڭىلەتىن بولساق, قازاقتار مەن تۇركىمەندەر كوپتەگەن سوعىستاردا جۇيرىك اتتارىنىڭ ارقاسىندا جەڭىمپاز بولىپ شىققان. جاۋگەرشىلىك زاماندا اتتارىمىزدىڭ جۇيرىكتىگىن باسقا ۇلتتار مەن ۇلىستار دا جاقسى بىلگەن. سوندىقتان ءبىزدىڭ تاريxىمىزدا جىلقى جانۋارىنىڭ ورنى بولەك», – دەدى بەردىمۇxامەدوۆ استاناداعى ۇلتتىق مۋزەيدە وتكەن كىتاپتاردىڭ تانىستىرىلىمىندا.
تۇركىمەن باسشىسىنىڭ ايتۋىنشا, بۇگىندە اقالتەكە تۇلپارى بويىنشا xالىقارالىق قاۋىمداستىق بار. وعان قازاقستان ازاماتتارى دا كىرەدى. ال 30 ءساۋىر تۇركىمەنستاندا اقالتەكە تۇلپارىنا ارنالعان مەملەكەتتىك مەيرام رەتىندە اتالىپ وتەدى. گۋربانگۋلى بەردىمۇxامەدوۆ بارشا قازاقستاندىقتاردى وسى مەرەكەگە قاتىسۋعا شاقىردى.
ايتا كەتەر ءجايت, تۇركىمەنستان پرەزيدەتىنىڭ كىتاپتارى قر ۇلتتىق وليمپيادا كوميتەتىنىڭ باسشىسى تيمۋر ق ۇلىباەۆتىڭ باستاماسىمەن قازاق تىلىنە اۋدارىلىپ وتىر. بۇعان دەيىن اتالعان كىتاپتار ورىس تىلىندە جارىق كورگەن. قازاق تىلىندەگى نۇسقالارىنىڭ ارقايسىسى مىڭ دانامەن باسىلدى. ولاردىڭ بارلىعى ەلىمىزدەگى كىتاپxانالار مەن وقۋ ورىندارىنا تاراتىلاتىن بولادى.
