جەرلەسىمىز 29 ساۋىردە رامون الۆارەس پەن ومار چاۆەستىڭ اندەركارتىندا ايقاسادى.
بوكس كەشى مەكسيكانىڭ سولتۇستىگىندە ورنالاسقان چيۋاۋا شتاتىنىڭ روساريتو قالاسىندا وتەدى. ازىرگە جەرلەسىمىزدىڭ كىمگە قارسى شىعاتىنى بەلگىسىز. مەنەدجەرلەر وعان لايىقتى, ءارى تاجىريبەلى قارسىلاس قاراستىرۋدا.
ايتا كەتەيىك, ورتا سالماق دارەجەسىندە ونەر كورسەتەتىن رامون (24-5-2, 16 KO) مەن ومار (35-3-1, 23 KO) – 6 مامىردا لاس-ۆەگاستا ءوزارا كەزدەسەتىن "كانەلو" مەن حۋليو سەزاردىڭ تۋعان اعالارى. 2014 جىلى رامون الۆارەس پەن ومار چاۆەس ءبىر-بىرىمەن مەكسيكادا كەزدەسكەن. ول كەزدەگى ايقاس الۆارەستىڭ جەڭىسىمەن اياقتالعان بولاتىن.
WBC EPBC جانە WBA NABA چەمپيوندىق بەلبەۋلەرىنىڭ يەگەرى بەكمان سويلىباەۆ جاتتىقتىرۋشى ەريك براۋننىڭ قاراماعىندا لوس-اندجەلەستە جاتتىعىپ ءجۇر. كاسىپقوي بوكستا 10 جەكپە-جەك وتكىزىپ, بارلىعىندا جەڭىسكە جەتكەن.
