شاھار باسشىسى قالا اكىمدىگىندە قر اۋىل شارۋاشىلىعى مينيسترلىگى سۋ رەسۋرستارى كوميتەتى وكىلدەرىنىڭ, ساتپاەۆ اتىنداعى قالالىق كانال باسشىلىعى جانە باسقا دا ارنايى قىزمەت وكىلدەرىنىڭ قاتىسۋىمەن ءباسپاسوز ماسليحاتى وتكەنىن ەسكە سالىپ ءوتتى. جيىن بارىسىندا ماماندار استانا سۋ قويماسىندا قالىپتاسقان جاعدايدى كوپشىلىككە ءتۇسىندىرىپ ءوتتى.
«13-15 ءساۋىر كۇندەرى تولاسسىز جاۋعان جاڭبىرعا بايلانىستى ەسىل وزەنىنە 340 ملن تەكشە مەتر كولەمدە سۋ قوسىلدى. «قازگيدرومەت» ورتالىعىنىڭ ماماندارى 100-160 ملن تەكشە مەتر كولەمىندە سۋ كەلەدى دەپ بولجاعان ەدى. الايدا, كۇننىڭ كۇرت جىلىنۋىنا بايلانىستى قاردىڭ ەرۋى دە جىلدامداپ كەتتى. وسى سەبەپتى تاسقىن سۋ قورى كۇتكەن كولەمنەن مول بولدى», - دەدى سۋ رەسۋرستارى كوميتەتىنىڭ توراعاسى يسلام ءابىش.
ونىڭ ايتۋىنشا, قازىرگى ساتتە مامانداردىڭ كۇش سالۋىنىڭ ارقاسىندا 340 ملن تەكشە مەتر سۋدىڭ 90 ملن تەكشە مەترى استانا سۋ قويماسىنا بۇرىلدى. قالعان 250 ملن تەكشە مەتر سۋ كونتر رەتتەۋشىگە باعىتتالدى.
«17 ساۋىردە ساعات 11-دەن باستاپ 1 200 تەكشە مەترگە دەيىن سۋ كەلدى. بۇل وتە جوعارى دەڭگەي. كەيىن اعىس قارقىنى 1 044 تەكشە مەترگە ءتۇستى. قازىر استانا سۋ قويماسىنا كەلىپ جاتقان سۋدىڭ كولەمى سەكۋندىنا 150-200 تەكشە مەتردى قۇراپ وتىر. وسى ورايدا ونىڭ بارلىعىن سۋ قويماسىندا ساقتاپ قالۋ مۇمكىندىگىمىز بار. استانا سۋ قويماسىنىڭ سىيىمدىلىعى 410 ملن تەكشە مەتر بولسا, وندا قازىر 385 ميلليون تەكشە مەتر سۋ تولتىرىلعان, ياعني تاعى 25 ملن تەكشە مەتر جيناي الامىز.
وسى ساتتە جاعداي باقىلاۋدا, استاناعا جاقىن ماڭداعى ەلدى مەكەندەردى سۋ باسۋ قاۋپى جوق», - دەپ مالىمدەدى يسلام ءابىش.
قازىرگى تاڭدا استانادا سۋ تاسقىنىنا قارسى جەدەل شتاب جۇمىس ىستەپ جاتىر. ولار اتقارىلاتىن جۇمىستاردىڭ كەشەندى جوسپارىن جۇزەگە اسىرۋدا.
