وسى يگىلىكتى ءىستىڭ الدىندا الاش پارتياسى مەن الاشوردا ۇكىمەتىنىڭ 100 جىلدىعىنا ارنالعان «كەڭەس نۇرپەيىس ۇلىنىڭ الاش تاريحىنا قوسقان ۇلەسى» اتتى عىلىمي-پراكتيكالىق كونفەرەنتسيا بولىپ, العاشقى ءسوزدى مەملەكەت تاريحى ينستيتۋتىنىڭ ديرەكتورى, پروفەسسور بۇركىتباي اياعان الىپ, عالىمنىڭ ۇلت تاريحىنا قوسقان ۇلەسىن تاراتا ايتىپ, ءوزى باستاعان شاكىرتتەرىن دە ەسكە سالدى. ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنداعى حالىقتىق يدەيالارعا توقتالدى.
اكادەميك بولات كومەكوۆ بۇل شارا قازاق عىلىمىنا, ونىڭ ىشىندە تاريحشىلارعا كورسەتىلگەن قۇرمەت ەكەنىن, الاشتانۋ عىلىمىنىڭ نەگىزىن سالعان عالىمنىڭ ەكىنشى ءومىرى باستالعانىن, ول ەلدىڭ ءرامىزى – ەركىندىك دەپ بىلگەنىن, قاي ەڭبەگىندە دە دەرەكسىز سويلەمەيتىنىن تىلگە
تيەك ەتىپ, جارتى عاسىر بىرگە قىزمەت ەتكەنىن, رۋحىنىڭ تازالىعى سونشا, بار قازاقتى وزىنە ساناعانىن, مەن ومىردەن وزعاندا ارۋلاپ اققا ورايتىندار بولات پەن كارل (بايپاقوۆ) بولسىن دەپ كەتكەنىن تولقي تۇرىپ ەسكە ءتۇسىردى. ول سونىمەن قاتار, قازاقستان تاريحىنىڭ 5 تومدىعىن شىعارۋ تۇسىندا 4-تومىنا جەتەك-
شىلىك جاساعانىن, الاشتانۋدى اينالىمعا قوسقانىن, ەلباسىنىڭ سوڭعى ماقالاسىنداعى 100 تۇلعانىڭ قاتارىنان ورىن الاتىن ازامات ەكەنىن جەتكىزدى.
قوعام قايراتكەرلەرى, پروفەسسورلار ءادىل احمەتوۆ ادامي قاسيەتتەرىن, كىشىلىگى مەن كىسىلىگىن ءۇلگى ەتسە, كامال بۇرحانوۆ ءبىرىنشى الاشتانۋشى دەپ, كلاسسيكالىق اكادەميكتىڭ ۇلگىسى, ءتىپتى ەتالونى كەڭەس نۇرپەيىس ۇلى دەگەن بايلامىن ورتاعا سالىپ, قازىر اكادەميكتەردىڭ كوبەيىپ كەتكەنىن دە اتادى. شىنىندا, عىلىمعا كىمنىڭ قانداي ۇلەس قوسقانىن ۋاقىت انىقتار, ايتسە دە ەل ءبىلمەيتىن اكادەميانىڭ اكادەميكتەرى مەن شيكى «چلەنكورلارى» قاپتاپ كەتكەنى راس. اكادەميك عاريفوللا ەسىم ەلباسىنىڭ ماقالاسى تۋرالى جان-جاقتى وي تەربەي كەلىپ, ۇلتىمىزعا ۇيىساتىن, بىرىگەتىن كەزدىڭ كەلگەنىن, رۋحاني زالى اشىلىپ وتىرعان شىن زيالىنىڭ مىقتى قازاق بولعانىن, ول زەرتتەگەن الاش تاريحىن جان-جاقتى ءبىلۋ بارىمىزگە سىن بولىپ تۇرعانىن اتاسا, جازۋشى ءشاربانۋ بەيسەنوۆا ناعىز ساناسى وياۋ, ورەسى بيىك عالىمنىڭ باسىلىمدارعا ماقالا جازۋداعى ساۋاتتىلىعى مەن ونەگەسىنەن ءدا-
يەكتەر كەلتىردى. پروفەسسورلار قازىبەكبي بۇيتەك ۇلى قۇنارلى جەردەن شىققان ازاماتتىڭ تەك تامىرىنا توقتالسا, قادىر احمەتوۆ قازاق ءتىلىن تاريح عىلىمىندا عىلىم تىلىنە اينالدىرعان بىردەن-ءبىر تۇلعا كەڭەس نۇرپەيىس ۇلى دەگەن بايلامىن نازارعا سالدى.
ال اكادەميكتىڭ رۋحاني مۇراسىن كوزىنىڭ قاراشىعىنداي ساقتاپ, ۇلتتىق كىتاپحاناعا تاپسىرىپ وتىرعان پروفەسسور تالدىبەك نۇرپەيىس اكەسىنىڭ ءبۇكىل ءومىر جولىنا بارلاۋ جاساپ, الاشتى زەرتتەۋىنە باۋىرجان مومىش ۇلىنىڭ وي سالعانىنا دالەلدەر كەلتىردى. قاس باتىر «سەن حالىق جاۋىنىڭ بالاسى ەكەنسىڭ, بىراق ونىڭ اقيقاتى اللاعا عانا ايان, پارتيا مەن سوۆەت تاريحىن اكادەميك اقاي نۇسىپبەكوۆ ەكەۋىڭ جازىپ بولعان شىعارسىڭدار. ەندى الاش تاريحىنا بارۋلارىڭ كەرەك, ۇلت اقيقاتى سوندا جاتىر!» دەپ ءاليحان, احمەت, مىرجاقىپ تۋرالى از-كەم مالىمەت بەرىپتى.
عىلىمي زالدىڭ اشىلۋ ءراسىمىنەن كەيىن دە اكادەميكتىڭ ءشاكىرتتەرى ج.قۋانىشەۆ, ز.ءدۇكەنباەۆا, ق.ەركىنبەكوۆا, ق.ەڭسەنوۆ ۇستازدارىنىڭ قامقورلىعىنان, كورگەن شاراپاتتارىنان مىسالدار كەلتىرسە, ماگيسترانت ە.توقتارباي عالىمنىڭ رۋحاني دۇنيەسىنىڭ استاناعا كەلۋى جاستار ءۇشىن ءتيىمدى ەكەنىن جەتكىزدى. ادەمى ءىستى ۇلتتىق كىتاپحانانىڭ ديرەكتورى ءۇمىتحان مۇڭالباەۆا قورىتىپ, وسىنداي جاقسى ىسكە جول اشقان مادەنيەت جانە سپورت مينيسترلىگىنە, تىلەكتەس بارلىق ازاماتتارعا شىن نيەتتەن العىسىن ءبىلدىردى.
سۇلەيمەن مامەت,
«ەگەمەن قازاقستان»
سۋرەتتى تۇسىرگەن
ورىنباي بالمۇرات, «ەگەمەن قازاقستان»
