ۇلتتىق يدەولوگيا بىزگە اۋاداي قاجەت. ءوز ءتىلىمىزدى, ءتول ءمادەنيەتىمىز بەن سالت ءداستۇرلەرىمىزدى قۇرمەتتەپ, ساقتاپ قانا قويماي, جاس ۇرپاققا, ءبۇكىل الەمگە ناسيحاتتاۋ بىزگە, عىلىم-ءبىلىم سالاسى قىزمەتكەرلەرىنە جۇكتەلەتىن زور جاۋاپكەرشىلىك. سانانى رۋحاني جاڭعىرتۋعا باسەكەگە قابىلەتتى ءبىلىمدى ەلدىڭ عانا شاماسى جەتەدى. اتالعان ماقالادان جاڭاشا باستاۋ الاتىن «تۋعان جەر», «مادەني گەوگرافيالىق بەلدەۋ» جوبالارى عىلىمي-اعارتۋ زەرتتەۋلەرىنە كەڭ تىنىس بەرەدى. سونىمەن قاتار, ءاربىر ازاماتتىڭ ءوزىنىڭ تۋعان جەرىنىڭ ءوسىپ وركەندەۋى ءۇشىن ناقتى ۇلەس قوسۋىنا ۇندەيدى.
وسى ورايدا, ۇلتتىق سانانى جاڭاشا جاڭعىرتۋدا قازاقستاندىق ايەلدەردىڭ بەلسەنە اتسالىسارىنا سەنەمىن. ەلىن, جەرىن سۇيەتىن باتىر ۇلدارىمىز بەن يناباتتى قىزدارىمىزدى بۇكىل الەمگە قازاق حالقىنىڭ تۇلعاسىن ءدارىپتەيتىندەي تاربيەلەۋ ءماسەلەسىنىڭ ءداپ وسى تۇستا وزەكتىلىگىن ايتپاساق بولماس.
رۋحانياتىمىزدىڭ ءورىسىن كەڭىتەتىن قۇندىلىقتى پايىمداۋلاردى نەگىزگە الا وتىرىپ, ورتاق ىسىمىزگە جاڭا سەرپىن الدىق. ونى قاپىسىز جۇزەگە اسىرۋ ءمىندەت دەپ بىلەمىن. وسى ورايدا, ءداستۇرىمىزدىڭ ەڭ ءبىر اسىل ۇلگىسى – اجەلەر ينستيتۋتىن جاڭعىرتۋ ەكەنى ءسوزسىز.
شىرىن قۇرمانباەۆا,
قازاق گۋمانيتارلىق-زاڭ يننوۆاتسيالىق ۋنيۆەرسيتەتىنىڭ رەكتورى,
قازاقستان پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات
جونىندەگى ۇلتتىق كوميسسيانىڭ مۇشەسى,
ساياسي عىلىمدار دوكتورى, پروفەسسور
