ەل رەتىندە ىرگەسى بەكىپ, الەمدىك مويىندالۋدىڭ بيىگىنە كوتەرىلگەن قازاق ەلى ءوز دامۋىنىڭ جاڭا كەزەڭىنە وتكەنى – تاريحي اقيقات.
ەلباسى نۇرسۇلتان ءابىش ۇلى نازارباەۆ جىل باسىنداعى حالىققا جولداۋىندا ەل تاريحىنىڭ جاڭا ءداۋىرى باستالعانىن ايتا كەلىپ, قازاقستاننىڭ ءۇشىنشى جاڭعىرۋىن جاريالاعان بولاتىن.
«بولاشاققا باعدار: رۋحاني جاڭعىرۋ» – قازاقستان جۇرتشىلىعىنا ۇسىنىپ وتىرعان قازاقستان پرەزيدەنتىنىڭ جاڭا ءداۋىر كەڭىستىگىندەگى ەل تاعدىرىن انىقتاپ, مەملەكەتىمىزدىڭ دامۋىن تانۋعا, باعىت-باعدارىن بەلگىلەۋگە جاڭا كەڭىستىك اشار ءۇشىنشى جاڭعىرۋ ءداۋىرىنىڭ ىرگەلى تاريحي قۇجاتى ەكەنىنە كوزىمىز جەتە ءتۇستى.
ايتۋلى تاريحي قۇجات نەگىزىنەن جاھاندانۋ جاعدايىندا ۇلتتىق مەملەكەت قۇرۋدىڭ سىرى مەن سيپاتىن جان-جاقتى تالداي وتىرىپ, ءححى عاسىرداعى ۇلتتىق سانانى ساقتاۋ مەن ورىستەتۋدىڭ ناقتى جولدارىن ۇسىنادى.
ەلباسى ارعى-بەرگى داۋىرلەر ءتاجىريبەسى مەن مەملەكەت قۇرۋ ۇلگىلەرىن سارالاي وتىرىپ, جانى, جۇرەگى, ويلاۋ كەڭىستىگى الەمدىك باسەكەلەستىك جاعدايىندا ءومىر ءسۇرۋگە مەيلىنشە بەيىم ۇرپاق ءوسىرىپ, ۇلت تاربيەلەۋ قاجەتتىلىگىنە ايرىقشا توقتالعان. «كۇن ساناپ وزگەرىپ جاتقان ءدۇبىرلى دۇنيەدە سانا-سەزىمىمىز بەن ءدۇنيەتانىمىمىزعا ابدەن ءسىڭىپ قالعان تاپتاۋرىن قاعيدالاردان ارىلماساق, كوش باسىنداعى ەلدەرمەن تەرەزەمىزدى تەڭەپ, يىق ءتۇيىستىرۋ ءمۇمكىن ەمەس. ءوزگەرۋ ءۇشىن ءوزىمىزدى مىقتاپ قولعا الىپ, زامان اعىمىنا يكەمدەلۋ ارقىلى جاڭا ءداۋىردىڭ جاعىمدى جاقتارىن بويعا ءسىڭىرۋىمىز كەرەك», – دەگەن ەلباسى ۇستانىمى وسى ايتقانىمىزدىڭ ايعاعى.
بىزدەر, قالامگەرلەر قاۋىمى ەل ەرتەڭىن انىقتايتىن ۇلت ءومىرىنىڭ باستى باعدارى – رۋحاني جاڭعىرۋ دەگەن ەلباسى ۇستانىمىن تولىعىمەن قولدايمىز! ويتكەنى, بۇگىنگى قازاقستان – وڭ-سولىن تارازىلاي وتىرىپ, ەلىكتەۋ مەن سولىقتاۋعا بوي الدىرۋدىڭ قانشاما قاتەرلى ەكەنىن تولىق سەزىنگەن ءارى نۇرسۇلتان نازارباەۆتىڭ سوزىمەن ايتقاندا, «حح عاسىرداعى باتىستىق جاڭعىرۋ ۇلگىسىنىڭ بۇگىنگى زامانىنىڭ بولمىسىنا ساي كەلمەۋىنىڭ سىرىن» جان ءدۇنيەسىمەن ۇعىنعان جاڭا تۇرپاتتى ەل. ءبىز – ءوز الەۋەتىمىز بەن ءوز اقىل-ويىمىزعا, ءوز قابىلەتىمىزگە سەنۋدى ومىرىمىزگە سەرىك ەتكەن جاڭا سيپاتتى تاۋەلسىز قازاقستاندى ورنىقتىرۋشىلارمىز.
قوعامنىڭ جاراتىلىسى مەن تابيعاتىن «ۇلتتىڭ رۋحاني كودىن» ساقتاي وتىرىپ دامىتۋعا, ۋاقىت تالابىنا ساي باعىتتاۋعا جۇمىلدىرۋ – ءبىرتۇتاس ۇلتتى قالىپتاستىرۋدىڭ ۇلگىسى ەكەنى كۇمانسىز. ەلباسى ۇسىنىپ وتىرعان سان سالالى, سان سيپاتتى دامۋ مەن ورىستەۋدىڭ جولدارى مەن مىندەتتەرى وسىناۋ ۇلى دالا توسىندەگى جاڭا تۇرپاتتى قازاق ەلىنىڭ بۇگىنگى بايانىن بەكىتىپ, ەرتەڭگى بولاشاعىن انىقتاۋعا جول اشارى انىق. ۇلتتىق سانانى دامۋدىڭ جاڭا ساتىسىنا كوتەرىپ, وركەندەۋدىڭ جاڭا كەڭىستىگىنە الىپ شىعار باسەكەلىك قابىلەت پەن پراگماتيزم ۇلتتىق بىرەگەيلىكتى ساقتاۋ مەن ءبىلىمنىڭ سالتانات قۇرۋىن, ەلدىڭ ەۆوليۋتسيالىق دامۋى مەن سانانىڭ اشىقتىعىن قامتاماسىز ەتەر تاياۋ جىلداردىڭ ەل پرەزيدەنتى بەلگىلەگەن التى ءمىندەتى – تامىرىن تەرەڭنەن تارتار, ءوز ەرتەڭىن ءوزى ورنەكتەر ۇلى دالا مەملەكەتىن ماڭگىلىككە باعىتتارى كۇمانسىز.
قازاق ەلىنىڭ كەشەگىسىن بۇگىنگە, بۇگىنىن بولاشاققا جالعاۋدى مۇرات ەتەر رۋحاني جاڭعىرۋ حاقىنداعى ەلباسى ۇستانىمى, ءسوز جوق, ۇلت كوسەگەسىن كوگەرتۋ مەن ۇرپاق ساناسىن تاربيەلەۋدىڭ ءورىستى, وركەندى جولى.
قازاقستان جازۋشىلار
وداعى باسقارماسىنىڭ سەكرەتارياتى
