قۇرمەتتى وتانداستار!
قازاقستان پرەزيدەنتى ن.ءا.نازارباەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا قوعامدىق سانانى جاڭعىرتۋدىڭ ناقتى باعىتتارىن سيپاتتاپ بەردى.
2017 جىل – قازاقستاننىڭ ەكونوميكالىق ءوسۋىنىڭ جاڭا ۇلگىسىن جاساپ, ءبىزدىڭ جاھاندىق باسەكەگە قابىلەتتىلىگىمىزدى قامتاماسىز ەتەتىن ءۇشىنشى جاڭعىرۋدى ىسكە اسىرۋ قولعا الىنعان جاڭا ءداۋىردىڭ باسى بولدى.
جاڭا كونستيتۋتسيالىق رەفورما اۋقىمدى ساياسي جاڭعىرۋدىڭ نەگىزىن قالاپ, ءۇشىنشى جاڭعىرۋدى ىسكە اسىرۋعا ارنالعان قوعامدىق-ساياسي العىشارتتاردى قالىپتاستىردى.
قوعامدىق سانانى جاڭعىرتۋ ءجونىندەگى مەملەكەت باسشىسىنىڭ يدەياسى − بۇگىنگى تاڭدا وتە قاجەتتى ءجانە ورىندى يدەيا.
ءبىز ساياسي ۇلتتى قالىپتاستىرۋ جولىندامىز. الەمدە الدىڭعى قاتاردان تابىلۋ ءۇشىن ءبىزدىڭ ءارقايسىمىز جانە بارشامىز بىرىگىپ ءوزىمىزدىڭ سانامىزدى, وي-ءورىسىمىزدى وزگەرتىپ, ەسكىرگەن تاپتاۋرىنداردان ارىلۋىمىز كەرەك.
«قازاقستان-2050» ستراتەگياسىندا قازاقستان پرەزيدەنتى «ءداستۇر مەن ءمادەنيەت – ۇلتتىڭ گەنەتيكالىق كودى» دەپ كورسەتكەن. جاڭا تۇعىرنامادا جاڭعىرۋدىڭ باستى شارتى − ءوز مادەنيەتىڭدى, ءوزىڭنىڭ ۇلتتىق كودىڭدى ساقتاۋ ەكەنى ەرەكشە كورسەتىلگەن. قوعامنىڭ رۋحاني جاڭعىرۋى وزىق داستۇرلەر مەن ۇلتتىق-ءمادەني نەگىزدەرگە ارقا سۇيەۋى كەرەك.
بۇرىنعى يننوۆاتسيالار بۇگىن ءداستۇرگە اينالدى, بۇگىنگى يننوۆاتسيالار ەرتەڭ داستۇرگە اينالادى. مۇنداي ۇستانىم حالقىمىزدىڭ وتكەنىن, قازىرگى كۇنى مەن بولاشاعىن جالعاۋعا, ۇلتتىق سانانىڭ ءارالۋان پوليۋستەرىن جاقىنداتۋعا ءمۇمكىندىك بەرەدى.
ەلباسى قوعامدى دا, سونداي-اق ءاربىر ازاماتتى دا جاڭعىرتۋدىڭ ءبىرقاتار نەگىزگى باعىتتارىنان ەرەكشە ءبولىپ كورسەتىپ وتىر.
بىرىنشىدەن, بۇل – باسەكەگە قابىلەتتىلىك, كومپيۋتەرلىك ساۋاتتىلىق, شەت تىلدەردى ءبىلۋ, مادەني اشىقتىق سيياقتى فاكتورلارعا نەگىزدەلگەن تىڭ جاڭالىقتاردى الەمگە ۇسىنۋ قابىلەتى.
ەكىنشىدەن, بۇل – پراگماتيزم. ول ءبىرقاتار ادەتتەر مەن تاپتاۋرىندىقتاردان باس تارتۋدى دا, سونىمەن بىرگە ۇلتتىڭ پراگ-
ماتيكالىق مىنەز-قۇلقى مەن ۇتىمدى ويلاۋىن, اتا-بابالار داعدىلارىنىڭ تاريحي تاجىريبەسىن دە قامتيدى.
ۇشىنشىدەن, ۇلتتىق بىرەگەيلىكتى ساقتاۋ, ۇلتتىق سانا وزگەرگەن كەزدە ۇلتتىق «مەن»-ءنىڭ ىشكى ءمايەگىن ساقتاۋ.
بۇگىندە, بارلىق جاعىمسىز ءنارسەلەرگە ءداستۇر مەن سالت-سانانى قارسى قويۋعا بولادى. سونىمەن بىرگە, ءبىز ۇلتتىڭ دامۋىنا كەدەرگى كەلتىرەتىن ءوتكەننىڭ سارقىنشاقتارىنان ارىلۋىمىز كەرەك.
تورتىنشىدەن, ءبىلىم سالتاناتى – ۇلتتىڭ جەتىستىگى. الداعى تەحنولوگيالىق رەۆوليۋتسيا قازىرگى جەكەلەگەن كاسىپتەردىڭ جويىل-
ۋىنا الىپ كەلگەن كەزدە, ءبىلىم − قول جەتكىزەر تابىستىڭ ەڭ ىرگەلى فاكتورى بولماق.
بەسىنشىدەن, تەك قانا ەۆوليۋتسيالىق دامۋ ءبىزدىڭ وركەندەۋىمىزگە جول اشادى, بۇل − جاڭعىرۋ يدەولوگياسىنىڭ قاعيداتى جانە قازاقستاننىڭ ءاربىر ازاماتىنىڭ ءىشكى سەنىمى.
التىنشىدان, سانانىڭ اشىقتىعى, اۋمالى-توكپەلى زاماندا قوعامنىڭ جانە ءاربىر ادامنىڭ ءوزگەرىسكە دايىن بولۋى.
بۇل كوزقاراستار قوعامدىق سانانىڭ جاڭعىرۋى ءۇشىن ىرگەلى نەگىز بولادى.
مەملەكەت باسشىسى الداعى جىلدارعا ارنالعان بىرقاتار ناقتى جوبالاردى ايقىندادى.
الدىمەن, بۇل − قازاق ءتىلىن جاھاندىق اقپارات جانە بايلانىس الەمىنە جول اشاتىن لاتىن الىپبيىنە كوشىرۋ.
الەمدىك عىلىم مەن تەحنولوگيالاردىڭ, گۋمانيتارلىق ءبىلىمنىڭ سوڭعى جەتىستىكتەرىن قامتيتىن 100 جاڭا وقۋلىق مەملەكەتتىك ءتىلگە اۋدارىلىپ, باسىپ شىعارىلادى.
«تۋعان جەر» باعدارلاماسى كاسىپكەرلەردىڭ, شەنەۋنىكتەردىڭ, زيالى قاۋىم وكىلدەرى مەن جاستاردىڭ ءوزدەرىنىڭ كىندىك قانى تامعان جەرىنە قامقورلىق جاساپ, قولداۋ كورسەتۋىنە, پاتريوتيزمدى قالىپتاستىرۋعا قولايلى ءمۇمكىندىك بەرەدى.
«قازاقستاننىڭ كيەلى جەرلەرىنىڭ گەوگرافياسى» جوباسى جالپىۇلتتىق قاسيەتتى ورىنداردى جانە اسا قاستەرلى جەرلەردى ساقتاۋعا, سونداي-اق ەلدەگى تۋريستىك ينفراقۇرىلىمدى دامىتۋعا ءمۇمكىندىك بەرەدى.
«جاھانداعى زاماناۋي قازاقستان دىق ءمادەنيەت» جوباسىن ىسكە اسىرۋ قازاقستاندى ءوز شىعارماشىلىعى ارقىلى ءدۇنيە ءجۇزىنە تانىتاتىن كوپتەگەن تالانتتارعا جول اشادى.
«قازاقستانداعى 100 جاڭا ەسىم» جوباسى بۇگىنگى زامانداستارىمىزدىڭ ءتۇرلى سالالارداعى جەتىستىكتەرىن ءدارىپتەۋدى قامتاماسىز ەتەدى جانە جاستاردى ادامگەرشىلىككە ءتاربيەلەۋدىڭ جارقىن ءۇلگىسى بولادى.
بۇل تاپسىرمالار مەملەكەتتىڭ جانە ازاماتتىق قوعامنىڭ بارلىق يدەولوگيالىق جۇمىسىنىڭ ورتا مەرزىمدى پەرسپەكتيۆاداعى نەگىزى بولادى.
ەلباسىنىڭ «جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ ەڭ باستى قاعيداسى» دەگەن تەزيسى بۇگىنگى تاڭدا وتە وزەكتى.
سانانى جاڭعىرتۋ ءبىزدىڭ ماقساتتارىمىزدىڭ بىرلىگىن, قۇندىلىقتارىمىزدىڭ ورتاقتىعىن ءجانە قوعامدىق كەلىسىمنىڭ قۋاتىن ايشىقتايدى.
جاڭا يدەولوگيالىق تۇعىرناما كونستيتۋتسيالىق رەفورمانى, ءۇشىنشى جاڭعىرۋدىڭ ەكونوميكالىق وركەندەۋىن تولىقتىرا ءتۇسەدى جانە قازاقستاننىڭ ءححى عاسىرداعى تابىستى دامۋىنىڭ ءدىلدىك قوزعاۋشى كۇشى بولىپ تابىلادى.
قوعامدىق سانانىڭ وزگەرۋى سىناپتاي سىرعىعان ۋاقىتتا, جاڭا سىن-قاتەرلەر زامانىندا قازاقستاننىڭ دامۋىنىڭ نەگىزى بولاتىن تۇراقتىلىقتى, بىرلىكتى, تاتۋلىقتى نىعايتۋعا مۇمكىندىك بەرەدى.
ءبىز, قازاقستاندىقتاردى جاۋاپكەرشىلىكتى مويىنعا الىپ, جاڭا يدەولوگيالىق «بولاشاققا باعدار: رۋحاني جاڭعىرۋ» تۇعىرناماسىن ىسكە اسىرۋعا بەلسەنە قاتىسۋعا شاقىرامىز!
ءبىز, حالقىمىزدىڭ شىعارماشىلىق الەۋەتى ءاردايىم اسقان بيىك ۇلتتىق رۋحتىڭ, جەڭىس رۋحىنىڭ, كەمەلدىككە, الەمدىك وركەنيەتتەن لايىقتى ورىن الۋعا ۇمتىلۋدىڭ جارقىن كورىنىسى بولاتىنىنا سەنىمدىمىز!
العا, قازاقستان!
قازاقستان حالقى اسسامبلەياسىنىڭ كەڭەسى, استانا قالاسى, 2017 جىلعى 12 ءساۋىر
