زاڭ جوباسى پارلامەنت دەپۋتاتتارىنىڭ باستاماشىلىعىمەن جاسالدى جانە بيۋدجەت كودەكسىنە, اكىمشىلىك قۇقىق بۇزۋشىلىق تۋرالى كودەكسكە, سونداي-اق «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى», «مادەنيەت تۋرالى» جانە باسقا دا زاڭدارعا تۇزەتۋلەر ەنگىزۋدى كوزدەيدى.
ماسەلەن, جەرگىلىكتى اتقارۋشى ورگانداردىڭ ەلىمىزدىڭ بيۋدجەت كودەكسىندە تەحنيكالىق جانە كاسىپتىك, ورتا بىلىمنەن كەيىنگى ءبىلىمى بار مامانداردى عانا ەمەس, جوعارى جانە جوعارى وقۋ ورنىنان كەيىنگى ءبىلىمى بار مامانداردى دا دايارلاۋعا مەملەكەتتىك ءبىلىم بەرۋ تاپسىرىسىن بولۋگە قۇقىعىن بەكىتۋ ۇسىنىلادى.
«تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» زاڭ مۋزەي-قورىق سياقتى جاڭا ۇعىممەن تولىقتىرىلادى, ول تاريحي-مادەني مۇرا وبەكتىلەرىن جانە مادەني قۇندىلىقتاردى ساقتاۋ, زەردەلەۋ جانە كوپشىلىككە كورسەتۋ ءۇشىن قۇرىلعان.
«مادەنيەت تۋرالى» زاڭدا قازاقستان حالقىنىڭ مادەني مۇراسىنا جاتاتىن ءباسپاسوز باسىلىمدارىن ساقتاۋ مەن كوپشىلىككە تاراتۋدى جۇزەگە اسىراتىن ەلىمىزدىڭ ۇلتتىق مەملەكەتتىك كىتاپ پالاتاسىنىڭ مارتەبەسى بەلگىلەنەدى; بۇقارالىق اقپارات قۇرالدارى رەداكتسياسىنىڭ ۇلتتىق مەملەكەتتىك كىتاپ پالاتاسىنا ءباسپاسوز باسىلىمدارىنىڭ ءمىندەتتى تەگىن دانالارىن, ال ەلەكتروندىق نىساندا – «ورتالىق» مارتەبەسى بار كىتاپحانالارعا ۇسىنۋ بويىنشا مىندەتتەرى بەكىتىلەدى.
ودان باسقا, زاڭ جوباسىمەن مادەنيەت ۇيىمدارى مەن تەاترلاردىڭ قىزمەتىنە قاتىستى قوعامدىق ماڭىزى بار ادەبيەتتى ساتىپ الۋ, باسىپ شىعارۋ جانە تاراتۋ ماسەلەلەرىن رەتتەۋ, سونداي-اق مادەنيەت سالاسىنداعى ۋاكىلەتتى ورگاننىڭ قۇزىرەتىن ناقتىلاۋ ۇسىنىلادى.
سەناتورلار اقان بيجانوۆ, ءالي بەكتاەۆ, تولەۋبەك مۇقاشەۆ, نۇرلان قىلىشباەۆ, سەرىك بەكتۇرعانوۆ جانە جابال ەرعاليەۆ ءوز ەسكەرتپەلەرى مەن ۇسىنىستارىن ايتتى.
زاڭ جوباسى پالاتانىڭ قاراۋىنا جىبەرىلدى.
