ءباسپاسوز كونفەرەنتسياسىنا «قازاگرو» ۇلتتىق باسقارۋشى حولدينگى» اق باسقارما توراعاسىنىڭ ورىنباسارى ايگۇل مۇحامەديەۆا, «اگرارلىق نەسيە كورپوراتسياسى» اق باسقارما ءتورايىمى گۇلناز اتامقۇلوۆا جانە «ازىق-ت ۇلىك كەلىسىمشارت كورپوراتسياسى» ۇك» اق باسقارما توراعاسىنىڭ ورىنباسارى ءسابيت قاشقىمباەۆ قاتىستى.
«اۋىل شارۋاشىلىعى مينيسترلىگى بەلگىلەگەن جوسپارعا سايكەس, 567 مىڭ گەكتار الاڭداعى باسىم داقىلدار قارجىلاندىرىلۋى ءتيىس. كەلىپ تۇسكەن وتىنىمدەرگە سايكەس, اۋىلشارۋاشىلىق تاۋار ءوندىرۋشىلەرىنىڭ راپس, زىعىر, ارپا جانە كۇرىش ەگۋگە قىزىعۋشىلىقتارى ارتىپ وتىرعانى بايقالادى. سونىمەن بىرگە, تاۋار ءوندىرۋشىلەردىڭ 3 باسىم داقىلعا دەگەن بەلسەندىلىگى تومەن بولۋىن اتاپ ءوتۋ قاجەت, بۇل قانت قىزىلشاسى, ماقتا جانە استىق ءجۇگەرىسى. اتالعان باعىتتاردى قارجىلاندىرۋ جۇمىستارى قويىلعان جوسپارعا جەتكەنگە دەيىن جالعاسادى», دەدى «قازاگرو» ۇلتتىق باسقارۋشى حولدينگى» اق باسقارما ءتوراعاسىنىڭ ورىنباسارى ايگۇل مۇحامەديەۆا.
اعىمداعى جىلى بيۋدجەتتەن بولىنگەن اقشا قاراجاتى تىكەلەي اگرارلىق نەسيە كورپوراتسياسىنا بەرىلەدى. قارجىلاندىرۋ ءۇش باعىت بويىنشا جۇزەگە اسىرىلادى. ولار ەكىنشى دەڭگەيلى بانكتەردى قورلاندىرۋ ارقىلى قارىز الۋشىلار ءۇشىن سوڭعى پايىزدىق مولشەرلەمە جىلدىق 5 پايىزدى قۇرايدى, نەسيە سەرىكتەستىكتەرىن, ايماقتىق ينۆەستيتسيالىق ورتالىقتاردى, شاعىن قارجى ۇيىمدارىن قورلاندىرۋ ارقىلى اۋىلشارۋاشىلىق تاۋار وندىرۋشىلەرى ءۇشىن سوڭعى مولشەرلەمە – جىلدىق 6 پايىزدى, كورپوراتسيانىڭ جىلدىق 2 پايىزبەن ەكىنشى دەڭگەيلى بانكتىڭ كەپىلدىگىمەن تىكەلەي نەسيەلەۋى, ول اۋىلشارۋاشىلىق تاۋار وندىرۋشىلەرى ءۇشىن بانكتىڭ كەپىلدىك قۇنىن ەسەپكە العاندا, شامامەن جىلدىق 6 پايىزدى قۇرايدى.
سونداي-اق, اۋىلشارۋاشىلىق كووپەراتيۆتەرىن ەكىنشى دەڭگەيلى بانكتەر ارقىلى قارجىلاندىرۋ باعدارلاماسى جالعاسادى. ەگەر 2015 جىلى قارجىلاندىرۋ ەكى كووپەراتيۆتەن باستالسا, 2016 جىلى 10 كووپەراتيۆ قارجىلاندىرىلعان بولاتىن, ال بيىلعى جىلى 12 كووپەراتيۆ قارجىلاندىرۋعا ءوتىنىش بەرىپ وتىرعان كورىنەدى.
راۋان قايدار,
«ەگەمەن قازاقستان»
