سالتاناتتى جينالىستى قوستاناي قالاسىنداعى وسكەلەڭ ۇرپاقتىڭ پاريوتتىق تاربيەسىمەن اينالىسۋعا اتسالىسىپ جۇرگەن «تايفۋن» اسكەري پاتريوتتىق كلۋبىنىڭ جاس ۇلاندارى اسكەري بي قويىلىمىمەن اشتى.
جارتى عاسىرعا جۋىق ۋاقىت بويى اسكەري بولىمشەدە مىڭداعان جاستار وتان الدىنداعى اسكەري پارىزىن وتەدى, كەلىسىمشارت بويىنشا پراپورششيكتەر, وفيتسەرلەر قىزمەتتەرىن جالعاستىرۋدا.
«اسكەري بولىمشەدە جاس جاۋىنگەرلەرگە جان-جاقتى تاربيە بەرىلەدى. ەل تىنىشتىعىن كۇزەتەتىن ۇلاندار الدىمەن رۋحاني باي, ادامگەرشىلىگى جوعارى ادام بولۋى ءتيىس. بىزدەگى كوپتەگەن جۇمىستار وسى باعىتتا ۇيىمداستىرىلادى» دەدى 6697 اسكەر ءبولىمى- كومانديرى مايور ەرلان يپاتوۆ.
مادەنيەت ۇيىندە لەۆ تولستوي اتىنداعى وبلىستىق امبەباپ كىتاپحانانىڭ كىتاپ قورىنان اسكەري بولىمشەنىڭ 46 جىلدىعىنا ارنالىپ ۇيىمداستىرىلعان «تاۋەلسىزدىك جانە اسكەر» كىتاپ كورمەسى, اسكەري ءبولىمنىڭ تاريحىنان سىر شەرتكەن فوتوكورمە, ماراپات ديپلومدار كوپشىلىكتىڭ نازارىنا ۇسىنىلدى.
ءنازيرا جارىمبەتوۆا,
«ەگەمەن قازاقستان»
قوستاناي
