وتكەن سەنبىدە, ياعني 8 ءساۋىر كۇنى گلۋبوكوە اۋدانىنىڭ اۋىلشارۋاشىلىق جارمەڭكەسىن ارالاعان كەزدە ايماق باسشىسى دانيال احمەتوۆكە قالا تۇرعىندارى سورەدەگى ەت باعاسىنىڭ مىڭ قۇبىلاتىنىن ايتىپ, مۇڭدارىن شاققان بولاتىن. ماسەلەن, سيىر ەتىنىڭ باعاسى 1300 تەڭگەدەن ساتىلادى دەپ كورسەتىلگەنىمەن, شىن مانىندە 1500 تەڭگەدەن ساۋدالانعان.
«حالىقتىڭ شاعىمى ورىندى بولىپ شىقتى. بارلىق جارمەڭكەلەردە وسكەمەننىڭ الىپساتارلارى وزدەرىنىڭ ەتتەرىن ساۋدالاعان. بۇعان جول بەرگەن شەنەۋنىكتەردىڭ بارلىعى جازالاناتىن بولادى. سورەگە جالعان باعا قويعان گلۋبوكوە اۋدانىنىڭ اكىمى مەن ونىڭ ورىنباسارىنا, وبلىستىق اۋىل شارۋاشىلىعى باسقارماسىنىڭ باسشىسىنا قاتاڭ سوگىس جاريالاندى. جارمەڭكەنى الىپساتارلاردان تازارتۋ ءۇشىن جەرگىلىكتى پوليتسياعا تاپسىرما بەرىلدى», – دەدى ءوڭىر باسشىسى وبلىس اكىمدىگىنىڭ كەڭەيتىلگەن جيىنىندا.
ازامات قاسىم,
"ەگەمەن قازاقستان"
وسكەمەن
