ءماجىلىستى اشىپ, جۇرگىزگەن «وجەت» فيليالىنىڭ ديرەكتورى س.گولدشتەين ءسوز كەزەگىن «KEGOC» اق باسقارما توراعاسى باقىتجان قاجيەۆكە ۇسىندى.
كەزدەسۋ بارىسىندا كومپانيا باسشىسى كومپانيانىڭ ۇەت-تى دامىتۋ جانە قازاقستان بەج-ءىنىڭ سەنىمدى جۇمىس ىستەۋىن قامتاماسىز ەتۋ جونىندەگى مىندەتتەردىڭ ءتيىمدى ورىندالىپ جاتقانىنا توقتالدى. باقىتجان تولەۋقاجى ۇلى ءىرى ينۆەستيتسيالىق جوبالار ىسكە اسىرىلىپ, قىزمەت تيىمدىلىگىن ارتتىرۋ بويىنشا ايتارلىقتاي جۇمىس جۇرگىزىلگەنىن, پەرسونالداردى دامىتۋعا ءجانە ۇجىمنىڭ الەۋمەتتىك ماسەلەلەرىن شەشۋگە ۇلكەن كوڭىل بولىنەتىندىگىن اتاپ ءوتتى.
ماسەلەن, 2016 جىلى «500كۆ سولتۇستىك-شىعىس-وڭتۇستىك ترانزيتىن سالۋ» اۋقىمدى جوباسىنىڭ ءبىرىنشى كەزەگى – جوعارى ۆولتتى 500 كۆ ەكىباستۇز-ءشۇلبى ەەس (سەمەي) – ءوسكەمەن جەلىلەرى جوسپارلانعان مەرزىمىنەن ءبىر جىل بۇرىن پايدالانۋعا بەرىلگەن.
وتكەن جىلعى قارجىلىق ءناتيجەلەر اكتسيالارى اسا ءوتىمدى جانە ينۆەستورلار تاراپىنان قىزىعۋشىلىق بار «KEGOC» اق اكتسيونەرلەرىنىڭ ءۇمىتىن اقتادى. بۇگىنگى كۇنى «KEGOC» اكتسيالارى KاSە-دە ءبىر اكتسيا ءۇشىن 1300 تەڭگە باعا شەگىنەن اسىپ ءتۇستى, بۇل ورنالاستىرۋ باعاسىنان 150 پايىزدان ارتىق.
الەۋمەتتىك-ەڭبەك قارىم-قاتىناستارىن دامىتۋ شەڭبەرىندە KEGOC-تا قولايلى جانە قاۋىپسىز ەڭبەك جاعدايلارى جاسالادى. ۇجىمدىق شارتپەن رەتتەلەتىن الەۋمەتتىك باعدارلامالار ىسكە اسىرىلادى. وتكەن جىلعى قىركۇيەكتە كاسىپوداق كونفەرەنتسياسىندا «KEGOC» اق پەن ونىڭ ەڭبەك ۇجىمى اراسىندا ەڭبەك زاڭناماسىنداعى وزگەرىستەر مەن قىزمەتكەرلەردىڭ مۇددەلەرىن ەسكەرە وتىرىپ جاسالعان 2016-2020 جىلدارعا ارنالعان جاڭا ۇجىمدىق شارت بەكىتىلدى.
كومپانيانىڭ 82 پايىزدى قۇرايتىن وزگەرمەيتىن جوعارى الەۋمەتتىك تۇراقتىلىق رەيتينگى, سونىمەن قاتار, ابق پەرسونالىنىڭ قاتىستىرىلۋ دارەجەسىنىڭ 5 پايىزعا ءوسىپ 73 پايىزدى قۇراعانى كومپانيانىڭ الەۋمەتتىك ساياساتىنىڭ تابىستى ەكەنىن دالەلدەيدى.
كومپانيا ۇجىمى كەشەندى جانە اۋقىمدى بيزنەستى ترانسفورماتسيالاۋ باعدارلاماسىن تابىستى ىسكە اسىرۋدى جالعاستىرۋدا.
باقىتجان قاجيەۆ كومپانيانىڭ دامۋى قازاقستاننىڭ وركەندەۋىمەن جانە ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەلەستىككە قابىلەتتىلىك» اتتى قازاقستان حالقىنا جولداۋىندا ايتىلعان باسىمدىقتارمەن ۇزدىكسىز بايلانىستى ەكەنىن اتاپ ءوتتى.
ۇلتتىق كومپانيا باسشىسى بەس نەگىزگى باسىمدىقتاردان تۇراتىن قازاقستاننىڭ ءۇشىنشى جاڭعىرۋىن ىسكە اسىرۋعا كىرىسكەنىن اتاپ كەتتى. ولار: ەكونوميكانى جەدەلدەتىلگەن تەحنولوگيالىق جاڭعىرتۋ, بيزنەس ورتانى تۇبەگەيلى جاقسارتۋ مەن كەڭەيتۋ, ماكروەكونوميكالىق تۇراقتىلىق, ادامي كاپيتالدىڭ ساپاسىن جاقسارتۋ, سونداي-اق, ينستيتۋتتىق تۇرلەنۋ, قاۋىپسىزدىك جانە جەمقورلىققا قارسى كۇرەس.
بۇل باسىم باعىتتاردى ىسكە اسىرۋ – نەگىزگى ستراتەگيالىق ماقسات, الەمنىڭ ەڭ دامىعان 30 ەلىنىڭ قاتارىنا كىرۋ جولىندا سەنىمدى ىرگەتاس قالاۋدى قامتاماسىز ەتەدى.
– ەلىمىزدىڭ جاڭا تەحنولوگيالىق قۇرىلىمىن جاساۋ جونىندەگى ستراتەگياسىندا ءبىز ءوز ورنىمىزدى الۋىمىز كەرەك, – دەپ اتاپ ءوتتى «كەGوس» اق باسقارما توراعاسى. – بۇل ماقساتتى ىسكە اسىرۋ ءۇشىن كومپانيادا بارلىق مۇمكىندىكتەر بار: تاجىريبەلى توپ-مەنەدجمەنت, جوعارى بىلىكتى قىزمەتكەرلەر, ءىرى كولەمدى ينۆەستيتسيالىق جوبالاردى ىسكە اسىرۋداعى ۇلكەن تاجىريبە, الدىڭعى قاتارلى جانە زاماناۋي تەحنولوگيالار.
كەزدەسۋ بارىسىندا باقىتجان قاجيەۆ ۇستىمىزدەگى جىلدىڭ ناۋرىزىندا قابىلدانعان «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ ەلىمىزدىڭ نەگىزگى ساياسي ينستيتۋتتارى – پرەزيدەنت, ۇكىمەت جانە پارلامەنت اراسىنداعى وكىلەتتىكتەردى نەعۇرلىم انىعىراق بولۋگە باعىتتالعانىنا قىزمەتكەرلەردىڭ نازارىن اۋداردى.
كونستيتۋتسيالىق رەفورمانىڭ جانە مەملەكەت باسشىسىنىڭ جولداۋىن ىسكە اسىرۋدىڭ تۇتاس ناتيجەسى قازاقستان ەكونوميكاسىنىڭ جاڭا عالامدىق ناقتىلىعىنداعى ورنىن اناعۇرلىم كۇشەيتەدى, دەپ اتاپ ءوتتى «KEGOC» اق باسقارما توراعاسى.
«KEGOC» اق قازاقستان رەسپۋبليكاسى ءبىرتۇتاس ەلەكتر ەنەرگەتيكالىق جۇيەسىنىڭ جۇيەلىك وپەراتورى فۋنكتسيالارىن اتقارادى, ۇلتتىق ەلەكتر تورابىنىڭ (ۇەت) اكتيۆتەرىنە يەلىك ەتەدى جانە باسقارادى. نەگىزگى قىزمەت تۇرلەرى تابيعي مونوپوليالار سالاسىنا جاتادى. كومپانيانىڭ بالانسىندا ۇەت-تى قۇراپ تۇراتىن ۇزىندىعى شامامەن 25 000 كم بولاتىن 0,4-1150 كۆ ەلەكتر جەتكىزۋ جەلىلەرى مەن ترانسفورماتورلارىنىڭ بەلگىلەنگەن قۋاتى 36,7 گۆا 78 قوسالقى ەلەكتر ستانسالارى بار. كومپانيادا 4,7 مىڭنان استام ادام جۇمىس ىستەيدى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
