Apple كورپوراتسياسى سىرتقى كورپۋسى قىپ-قىزىل iPhone 7 مەن iPhone 7 Plus جانە جاڭا iPad پەن بەينەقوسىمشا شىعاردى دەپ حابارلايدى ۆۆس. جاڭا گادجەتتەردى ساتۋ 24 ناۋرىزدا باستالادى.
سمارتفونداردىڭ باعاسى شامامەن 1000 جانە 1200 اقش دوللارى شاماسىندا بولۋى مۇمكىن.
كومپانيا بيىل 10-شى جىل سپيد-پەن كۇرەس باعدارلاماسىنا قاتىسىپ كەلەدى. باعدارلاما RED دەپ اتالادى. سمارتفونداردىڭ قىزىل ءتۇستى كورپۋسپەن جاسالۋ سەبەبى وسى. ارنايى سەريامەن شىققان قۇرىلعىلاردى ساتۋدان تۇسكەن اقشانىڭ ءبىر بولىگى جاھاندىق سپيد-پەن كۇرەس قورىنا اۋدارىلادى. دالىرەك ايتقاندا, ول اقشا ۆيچ-ءتى زەرتتەۋ, ونىڭ تارالۋىنا توسقاۋىل قويۋ باعدارلاماسىنا بەرىلمەك.
iOS-قا ارنالعان جاڭا بەينەقوسىمشانى قولدانىپ, سمارتفون ۇستاۋشىلار قىسقا كليپتەردى وزدەرى مونتاجداۋىنا بولادى. ەكىنشى جاڭا گادجەت – 9,7 ديۋيم ديسپلەيلى iPad.
RED باعدارلاماسىنىڭ نەگىزىن U2 توبىنىڭ ءانشىسى بونو قالاعان بولاتىن. كومپانيا مالىمەتىنە قاراعاندا RED ونىمدەرىن ساتۋ ارقاسىندا يگى ماقساتتار ءۇشىن 130 ملن دوللاردان اسا قارجى جينالعان.
