«ءسىز مىنا كەرەمەت داۋىستى ەستىپ تۇرسىز با؟ بۇل عاجاپ داۋىس يەسىنىڭ ەسىمى - ديماش. بۇگىن ءبىز وسى جاس جىگىت تۋرالى جانە ونى قىتايدا سونشالىقتى تانىمال ەتكەن الەۋمەتتىك جەلىلەر جونىندە اڭگىمە قوزعايتىن بولامىز», - دەپ باستايدى ءسوزىن فرانتسيا تەلەاۋديتورياسىنىڭ 40 پايىزىن قامتىپ وتىرعان تاڭەرتەڭگىلىك باعدارلامانىڭ جۇرگىزۋشىسى.
- ول دانيەل بالاۆۋاننىڭ وتە كۇردەلى ءانىن ورىندادى. وسى ءۇشىن وعان مەدال تابىس ەتۋ قاجەت, - دەپ ازىلدەدى جۇرگىزۋشى.
فرانتسۋز باعدارلاماسى ديماشتى «وتە كورىكتى, ءتۇر الپەتى قىتايعا ۇقسايدى» دەپ سيپاتتادى. رەپورتاجدا «ديماش قۇدايبەرگەننىڭ ۇلتى قازاق, ول قىتاي تىلىندە سويلەمەيدى» دەپ اتاپ وتكەن. بىراق, سوعان قاراماستان Weibo-داعى (قىتايداعى تۋيتتەردىڭ بالاماسى) ونىڭ وقىرماندارىنىڭ سانى 3 ميلليونعا جەتىكەن. جالپى ديماش ءان ورىنداعان ۆيدەونى الەۋمەتتىك جەلىدە 1,5 ميلليارد ادام تاماشالاعان.
