ء«بىز قازىرگى ۋاقىتتا 9 قىركۇيەككە بەلگىلەدىك. سىزدەردى بىلمەيمىن, ءبىز دايىندالىپ جاتىرمىز», – دەدى مينيستر باۋىرجان وسپانوۆ پەن قانات يسلامعا قاراتىپ ايتقان سوزىندە.
ءوز كەزەگىندە, ب. وسپانوۆ استاناداعى ەكسپو الاڭىندا وتەتىن جەكپە-جەككە دايىن ەكەندىكتەرىن ءمالىم ەتتى.
ء«بىز تولىق دايىنبىز. بىزگە انا جاققا كورسەتۋ ءۇشىن سىزدەرمەن كەلىسىمشارتقا وتىرىپ الۋىمىز كەرەك. ولار كەلىسىمشارتقا وتىرۋعا كەلىسىم بەرۋ ءۇشىن, ءبىز مىنا جاقتان راستاۋىمىز كەرەك الدىمەن. سەبەبى, ول ۇلكەن دەڭگەيدەگى شارا عوي. ول تەندەر سياقتى, ەسكەرەتىن جۇمىستارى كوپ», – دەدى ب. وسپانوۆ.
ونىڭ ايتۋىنشا, بوكس كەشىندە بىرقاتار قازاق بوكسشىلارى جۇدىرىقتاسادى.
ء«بىراز بوكسشىلارمەن كەلىستىك. ماياميدە ءبىز دايىنداپ جاتقان جىگىتتەرمەن سويلەستىك. شۇمەنوۆپەن تەلەفون ارقىلى كەلىسىپ قويدىق. ءبارى دايىن وتىر. ەندى قاراجات جاعىن, بارلىعىن كەلىسىپ الۋىمىز كەرەك. بۇل جەردە ماسەلە قارسىلاستارىندا بولىپ تۇر. ۇلكەن دەڭگەيدە جەكپە-جەك وتكىزۋ ءۇشىن, ۇلكەن بەلبەۋگە تالاسۋ ءۇشىن مىقتى قارسىلاس تارتۋىمىز كەرەك. بەيبىت شۇمەنوۆ, جانقوش تۇراروۆ نەمەسە جانات جاقيانوۆ سىندى بوكسشىلاردى دايىنداپ قويۋىمىز كەرەك», – دەدى ب. وسپانوۆ.
ايتا كەتكەن ءجون, مينيسترلىكتىڭ ءباسپاسوز قىزمەتىنىڭ xابارلاعانىنداي, بۇل كاسىپقوي بوكس كەشىنىڭ الدىن الا مەرزىمى. جۇمىس بارىسىندا بۇل ءالى دە وزگەرۋى مۇمكىن.
