19 اقپانعا ارنالعان اۋا رايى

19 اقپان كۇنى ەلىمىزدىڭ باسىم بولىگىندە اتموسفەرالىق اعىنداردىڭ وتۋىنە بايلانىستى قار جاۋادى, وڭتۇستىك وڭىرلەردە قار مولىنان تۇسەدى. كەي جەرلەردە تۇمان, كوكتايعاق بولادى, بۇرقاسىن سوعىپ, جەل كۇشەيەدى, دەپ حابارلايدى قازگيدرومەت. اقمولا وبلىسىنىڭ كەي جەرلەرىندە بۇرقاسىن بولىپ, كۇندىز جەل 15-20 م/س كۇشەيەدى. الماتى وبلىسىنىڭ كەي جەرلەرىندە تۇمان, كوكتايعاق, تۇندە جەل 17-22 م/س قۇرايدى. جامبىل, وڭتۇستىك قازاقستان وبلىستارىنىڭ كەي اۋماقتارىندا تۇمان, كوكتايعاق, بۇرقاسىن كۇتىلەدى, 15-20 م/س-پەن سوققان جەلدىڭ ەكپىنى 23-28 م/س-قا جەتۋى ىقتيمال. تۇندە وڭتۇستىك قازاقستان وبلىسىندا جەلدىڭ جىلدامدىعى 25 م/س بولادى. قىزىلوردا وبلىسىنىڭ جەكەلەگەن جەرلەرىندە تۇمان, كوكتايعاق بولىپ, كۇندىز جەل 15-20 م/س كۇشەيەدى. اتىراۋ, باتىس قازاقستان, اقتوبە وبلىستارىنىڭ كەي جەرلەرىندە بۇرقاسىن سوعىپ, 15-20 م/س-پەن سوققان جەلدىڭ ەكپىنى اقتوبە وبلىسىندا 23 م/س-قا ارتادى. قوستاناي, سولتۇستىك قازاقستان وبلىستارىنىڭ كەي جەرلەرىندە بۇرقاسىن, تۇندە جانە تاڭەرتەڭ تۇمان كۇتىلەدى, جەل 15-20 م/س كۇشەيىپ, كۇندىز ەكپىنى 23-28 م/س بولادى. پاۆلودار وبلىسىنىڭ كەي جەرلەرىندە تۇمان, كۇندىز بۇرقاسىن, جەلدىڭ 15-20 م/س كۇشەيۋى كۇتىلەدى. قاراعاندى وبلىسىنىڭ كەي جەرلەرىندە تۇمان, كوكتايعاق, بۇرقاسىن بولادى, جەلدىڭ جىلدامدىعى 15-20 م/س جەتەدى. شىعىس قازاقستان وبلىسىندا بۇرقاسىن, كوكتايعاق بولىپ, جەلدىڭ ەكپىنى كۇندىز 25 م/س ارتادى.