ساراپشىلىق ۇيىمدار ساپالى قىزمەتكە باۋليدى

«ساراپتاما ۇيىم­دا­رىنىڭ پالاتاسى» كاسىپتىك بىرلەستىگى وتكەن جىلدىڭ اقپان ايىندا ەلدەگى ءۇش بىردەي ساراپتاما ۇيىمىنىڭ نەگىزىندە قۇرىلعان. مەملەكەت باسشىسىنىڭ «100 ناقتى قادام» ۇلت جوسپارىن جۇزەگە اسىرۋدى ماقسات ەتكەن بىرلەستىك بۇگىنگى تاڭدا قۇرىلىس وبەكتىلەرىن جوبالاۋ سالاسىنداعى ساراپتاما قىزمەتىن نىعايتۋ مەن ونى دامىتۋدى, قۇرىلىسقا ارنالعان جوبالاردىڭ ۆەدومستۆودان تىس كەشەندى ساراپتاماسىن جۇرگىزۋدى جانە سەرىكتەس ۇيىمداردىڭ كاسىبي دامۋىن ارتتىرا وتىرىپ, ينستيتۋتسيونالدىق بازانى قالىپتاستىرۋدى كوزدەيدى. ەلباسى جاريالاعان ۇلت جوسپارىنىڭ 47-قادامىندا 2020 جىلعا دەيىن ەلدە­گى ساراپتاما قىزمەتىنىڭ 90 پايىزىن كە­زەڭ-كەزەڭمەن جەكە نارىققا بەرۋ جوس­­­­پار­لانعانى بەلگىلى. وسىعان وراي, جوس­­­پاردىڭ ورىندالۋ بارىسىن ەگجەي-تەگ­­جەيلى بايان ەتكەن ەلورداداعى پالاتا جيىنىندا بىرلەستىكتىڭ ءبىر جىلدىق جۇمىسى قورىتىندىلانىپ, ەرتەڭگى كۇن­نىڭ ەنشىسىنە تيەسىلى شارۋالار پىسىق­تالدى. بۇگىندە الپىسقا جۋىق ساراپشىلىق كاسىپورىندى قاناتىنىڭ استىنا العان «ساراپتاما ۇيىمدارىنىڭ پالاتاسى» كاسىپتىك بىرلەستىگى ەلدەگى جالپى نا­رىقتىڭ 39 پايىزىن قۇراپ وتىر. نە­گىزىنەن, جوسپار بويىنشا بۇل كور­سەت­­­كىش جەكە كومپانيالار ارقىلى 50 پاي­ىزعا تەڭ ءتۇسۋى ءتيىس بولاتىن. رەس­پۋب­­ليكانىڭ ءار وڭىرىنەن كەلگەن ساراپ­شى­لىق ۇيىم وكىلدەرىنىڭ الدىندا بايانداما جاساعان باسقارما توراعاسى بىرلىك ەرەجەپوۆ ۇيىمنىڭ العاشقى جىلى جال­پى قىزمەتتى ۇيىمداستىرۋ ۇدەرىسىنە ار­نالعانىن ايتىپ ءوتىپ, ءبىر جىلدىق جۇ­مىستى قورىتىندىلادى. «بىرقاتار كاسىپورىندار مەملەكەت مەنشىگىنەن باسەكەلەستىك نارىققا شىق­قان­ىمەن, ولاردىڭ كوپشىلىگى ساراپشىلىق قىز­مەتتىڭ ءتۇپ-توركىنىن جەتە ءتۇسىنىپ, انىق بىلە قويمادى. سوندىقتان دا, بۇل جەردە بيزنەس پەن وراسان مول كىرىس كوزىنىڭ جوقتىعىن دۇرىس تۇسىندىرە وتىرىپ, ساراپشىلىق ۇيىمنىڭ باستى ماق­ساتى – جوبالاردى تەكسەرۋ مەن عي­ما­­راتتاردىڭ جانە قۇرىلىس نىسان­دا­رى­نىڭ قاۋىپسىزدىگىن قامتاماسىز ەتۋ ەكەن­دى­گىنە باسا كوڭىل بولۋىمىزگە تۋرا كەلدى», دەدى ب.ەرەجەپوۆ. بۇگىنگى تاڭدا پالاتا قاراماعىنداعى كاسىپورىنداردىڭ نورماتيۆتىك-قۇقىقتىق اكتىلەرى جوبالارىن جاساۋمەن قاتار, مەملەكەتتىك ورگانداردىڭ مۇددەسىنە قىزمەت ەتەدى. سونداي-اق, مامانداردى ءادىس­­تەمەلىك وقىتۋمەن دە اينالىسادى. سو­نى­مەن قاتار, ۇيىمنىڭ كاسىبي ساراپشى­لا­رى سان ءتۇرلى جوبالاردى جوعارى دەڭ­گەيدە تەكسەرۋىن ۇيلەستىرەدى. قىزمەتكە كى­رىسكەن العاشقى جىلدىڭ وزىندە پالاتا قۇ­رامىنا 60 ۇيىم تىركەلىپ, ونىڭ ىشىندە 9 مەكەمە تىزىمنەن شىعارىلعان بولسا, ونىڭ ەكەۋى ساراپشىلىق كەڭەستىڭ ساپاسىز شە­شىمىن تۇراقتى تۇردە شىعارىپ كەلگەنى انىق­تالعان. ماماندار پىكىرىنشە, اسىرەسە, سارا­پ­شىلىق ۇيىمداردى نارىقتىق ءبا­سەكەگە بە­رىلۋىنە مەملەكەتتىك ورگان­دار­دىڭ نەم­­قۇرايلى قاراۋى ءىستىڭ ىلگەرىلەۋىنە كە­­رى اسەرىن تيگىزىپ جاتقان كورىنەدى. سو­ن­دىق­­تان دا, وسى كۇنگە دەيىن جوسپارعا ساي ۇيىمداردىڭ 50 پايىزى جەكە كومپانيالار ارقىلى نارىققا جىبەرىلۋدىڭ ورنىنا, قازىرگى كۇنگى كورسەتكىش جوعارىدا اتاپ وتكەنىمىزدەي, 39 پايىزدى عانا قۇراپ وتىر. نۇرلىبەك دوسىباي, «ەگەمەن قازاقستان»