ۆەدومستۆوارالىق كوميسسيا وتىرىسى ءوتتى

ادىلەت مينيسترلىگىندە زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ كەزەكتى وتىرىسى ءوتتى. ينۆەستيتسيالار جانە دامۋ مينيسترلىگىنىڭ, ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇكىمەتتىك ەمەس ۇيىمدار جانە بيزنەس سالاسىنىڭ وكىلدەرى قاتىسقان جيىندى ادىلەت ءمينيسترىنىڭ ورىنباسارى زاۋرەش بايمولدينا جۇرگىزدى. وتىرىس بارىسىندا ءۇش زاڭ ج­و­با­سى­نىڭ تۇجىرىمداماسى قا­رالدى. زاڭ جو­بالارىندا كولىك, الەۋمەتتىك قام­سىز­­­داندىرۋ, ج­ۇمىسپەن قامتۋ جانە كو­شى-قون ماسەلەلەرى بويىنشا ءتيىستى زاڭ­­نامالىق اكتىلەرگە وزگەرىستەر مەن تو­لىق­تىرۋلار ەنگىزۋ قا­راس­­تىرىلىپ, ءتيىس­تى مي­نيسترلىكتەردىڭ وكىل­دەرى بايانداما جاسادى. ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ءبىرجان نۇرىمبەتوۆتىڭ ايتۋىنشا, بۇگىنگى تاڭدا ەلىمىزدەگى ءوزىن ءوزى جۇمىسپەن قامتىعان ازاماتتاردىڭ سانى 2,2 ميلليوننان اسادى. ولاردىڭ 350 مىڭنان استامى تىركەلمەگەن قىزمەتتى اتقاراتىندار نەمەسە تابىستارى ەڭ ءتو­مەنگى كۇنكورىس دەڭگەيىنەن تومەن ازامات­تار. سول سەبەپتى, حالىقارالىق ەڭ­بەك ۇيى­­مىنىڭ قاعيداتتارى بويىن­شا, ولاردى ناتيجەسىز جۇمىسپەن اي­نا­لى­س­ا­تىن­دار­­­دىڭ قاتارىنا جاتقىزۋعا تۋرا كەلەدى. تاعى ءبىر ايتا كەتەرلىگى, 2050 جىلعا قا­راي ەلىمىزدىڭ وڭىرلەرىندەگى حالىقتىڭ ور­نالاسۋ تىعىزدىعىنىڭ اراسىنداعى الشاقتىق بەلەڭ الۋى مۇمكىن. ماسەلەن, وڭتۇستىك وڭىردە بۇل كورسەتكىش سولتۇستىك وڭىرمەن سالىستىرعاندا ءتورت ەسە ارتىق بولماق. – وسىعان وراي, ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىندا ازاماتتاردىڭ جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە ەرىكتى تۇردە قونىس اۋدارۋىنا جاعداي جاساۋ كوزدەلگەن. سول ارقىلى ەڭبەك رەسۋرستارىنىڭ ۇت­قىر­لىعىن ارتتىرۋعا بولادى, – دەدى ءبىرجان نۇرىمبەتوۆ. ەڭبەك جانە حالىقتى الەۋمەتتىك قور­­ع­اۋ مينيسترلىگىنىڭ دەرەكتەرىنە ءسۇي­ەنسەك, سوڭعى التى جىل ىشىندە ەلى­مىز­­دەگى جۇمىسپەن قامتۋدىڭ 28 پاي­ىز­عا ءوسۋى ءبىلىم بەرۋ, دەنساۋلىق ساق­تاۋ ءجا­نە مەملەكەتتىك باسقارۋ سالا­لا­رى­نىڭ ەسە­بىنەن قامتاماسىز ەتى­لىپتى. مەم­لە­كەت­­- ­­تىك كاسىپورىنداردا اشىل­عان جۇمىس ورىن­دارىنىڭ ۇلەسى بولسا 50 پايىزدان اسادى. زاڭ جوبالارى بويىنشا بايانداما جاساۋشىلار قۇجاتتاردى قابىلداۋدىڭ ماق­ساتى, ونىڭ حالىقتى جۇمىسپەن قامتۋ, كوشى-قون سالاسىنداعى ماسەلەلەردى رەت­تەۋدەگى ماڭىزى تۋرالى دايەكتەرىن ور­تاعا سالدى. ۇكىمەتتىك ەمەس سەكتور مەن بيزنەس وكىلدەرى زاڭ جوبالارىنا ۇسىنىستارىن جەتكىزدى. ارنۇر اسقار, «ەگەمەن قازاقستان»