جۇزەگە اسقان جوبالار

زاڭدىلىقتاردىڭ ساقتالۋىمەن قاتار, الەۋمەتتىك ماسەلەلەردىڭ شەشىمىن تابۋىنا ىقپال ەتەدى قوستاناي وبلىستىق پروكۋراتۋراسى وتكەن جىلدىڭ جۇمىس ناتيجەلەرىن قورىتىندىلادى. وسىعان وراي وتكەن القا ماجىلىسىندە وبلىس پروكۋرورى مارات قايىپجانوۆتىڭ مالىمدەگەنىندەي, كوپ ماسەلەدە كورسەتكىشتەر تۇزەلە باستاعان. ادەتتە, قىلمىس پەن ادىلەتسىزدىكتىڭ قاي ءتۇرى دە حالىقتىڭ الەۋمەتتىك تۇرمىسىنا كەرى اسەر ەتەدى. سوندىقتان سوڭعى ۋاقىتتا جەرگىلىكتى اتقارۋشى بيلىك, وكىلەتتى ورگاندار مەن قاداعالاۋ ورگاندارى تىزە قوسىپ ارەكەت ەتكەندە تىرلىك تۇزەلىپ سالا بەرەتىنىن كورسەتكەندەي. وبلىستىق پروكۋراتۋرانىڭ بىرنەشە الەۋمەتتىك جوبانى جەرگىلىكتى اكىمدىكتەرمەن بىرلەسىپ جۇرگىزۋدى باستاۋى وسىنىڭ ناقتى مىسالى بولادى. قاي جەردە دە كەڭ تاراعان قىلمىستىڭ ءتۇرى – ۇرلىق. «ۇرلىققا قارسى ارەكەت» جوباسى جۇمىس ىستەپ كەلە جاتقان 3 جىلدىڭ ىشىندە قىلمىستىڭ وسى ءتۇرى ۇشتەن بىرگە دەيىن ازايعان. مال, كولىك, ۇيالى تەلەفون ۇرلىعى الدىڭعى جىلمەن سالىستىرعاندا ەداۋىر تومەندەگەن. پاتەرگە تۇسەتىندەردىڭ جولى 22 پايىزعا كەسىلگەن. ويتكەنى, وسى جوبا اياسىندا كوپ جۇمىس جۇرگىزىلدى. وعان كاسىپكەرلەر, پاتەر كووپەراتيۆتەرى, اكىمدىكتەر تارتىلدى. مالدىڭ بارلىعى قۇجاتتالدى, ورتالىقتاندىرعان جايىلىمدارعا شىعارۋ ۇيىمداستىرىلدى, ءۇي­لەرگە بەينەكامەرالار مەن دوموفوندار ورناتۋ قاداعالاندى, اۆتوتۇراقتارعا كۇزەت قويىلدى. وسى جوبانىڭ ارقاسىندا قىلمىس وتكەن جىلى 14 پايىزعا ازايعان. ادىلدىك بارلىق سالادا اقساپ جاتادى, ونىڭ ساقتالۋىن پروكۋراتۋرا قاداعالايدى. ىشكى ىستەر ورگانىنىڭ وزىندە تەرگەۋشىلەر تاراپىنان بولعان ازاپتاۋ فاكتىلەرى وتكەن جىلدارى ءجيى قىلاڭ بەرەتىن. بۇۇ كوميتەتىنىڭ 2012-2014 جىلدار­عى شەشىمدەرى نەگىزىندە وبلىس­تىڭ ەكى تۇرعىنى 2007-2008 جىلدارى ازاپتاۋ قۇرباندارى بولىپ تانىلعان ەدى. سونداي-اق, 2015 جىلى ازاپتاۋعا بايلانىستى ارىزدار سانى 63-كە جەتكەن بولاتىن. ءتىپتى, وتكەن جىلدىڭ ءبىرىنشى جارتىسىندا پروكۋراتۋراعا تەرگەۋ بارىسىندا ازاپتالعانىن ايتقان 28 ارىز تۇسكەن. وتكەن جىلى وسى كەلەڭسىز كورىنىستىڭ جولىن كەسۋگە پروكۋرا­تۋرا ءوزى كىرىستى «ازاپتاۋعا جول بەرمەيمىز» اتتى جوبانى ىسكە قوستى. ونىڭ شەڭبەرىندە تەر­گەۋ ورىندارىنا 337 بەينەكامەرا, ىشكى ىستەر باسقارماسىندا 83 بەي­نەقۇرىلعى پروكۋرورلارمەن ونلاين قاراۋ قىزمەتىنە قوسىلدى. جەتكىزىلگەن ادامدارمەن ساۋالداما تولتىرۋ تاجىريبەگە ەنگىزىلدى, ۋچاسكەلىك ينسپەكتورلار بەكەتتەرىندە پروكۋراتۋرا جاشىكتەرى قويىلدى. تۇزەۋ مەكەمەلەرىندە ەتاپتاردى قا­بىلداعاندا پروكۋروردىڭ ءمىن­دەتتى تۇردە قاتىسۋى, بەينەجازبا ءجۇر­گىزۋ قامتاماسىز ەتىلدى جانە ءاربىر سوت­تالعان ادام كەم دەگەندە توقسانىنا ءبىر رەت جەكە قابىلداۋدا بولدى. وبلىستىق پروكۋراتۋرا جەر­گىلىكتى اكىمدىكتەرمەن, الەۋمەتتىك سالالارمەن بىرلەسكەن جوبالارىن بيىل دا ودان ءارى جالعاستىرا بەرەدى. ولاردىڭ قاتارىن «تەڭ مۇمكىندىكتەر» الەۋمەتتىك جوباسى تولىقتىرا تۇسەتىن بولادى. وندا پروكۋراتۋرانىڭ قاداعالاۋىمەن مۇمكىندىگى شەكتەۋلى ازاماتتارعا ارنالعان ينفراقۇرىلىمدىق ماسە­لەلەردىڭ شەشىمىن تابۋىنا ىقپال جاسالادى. بۇل عارىپ جانداردىڭ قالىپتى ومىرگە قايتا ورالۋىنا قا­جەتتى كومەكتى كوبەيتە تۇسەرى ءسوزسىز. سونىمەن, بيىل وبلىستىق پروكۋ­راتۋرا 8 جوبانى جۇزەگە اسىر­ماق. ولاردىڭ شەڭبەرىندە قۇقىق بۇزۋشىلىقتار رەتتەلىپ, زاڭ­دىلىقتاردىڭ ورىندالۋىمەن قاتار, الەۋمەتتىك ماسەلەلەردىڭ شە­شىمىن تابۋىنا دا مۇمكىندىكتەر تۋادى. ءنازيرا جارىمبەتوۆا, «ەگەمەن قازاقستان» قوستاناي