قوعام قاۋىپسىزدىگى كۇن تارتىبىنەن تۇسپەيدى

قازاقستان ۇكىمەتى ۇيىندە ءدىن ىستەرى جانە ازاماتتىق قوعام مينيسترلىگى مەن قازاقستان مۇسىلماندارى ءدىني باسقارماسى اراسىندا ىنتىماقتاستىق تۋرالى كەلىسىمگە قول قويىلدى. ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ شارا بارىسىندا ءبىرىنشى كەزەكتە قازاقستان مۇسىلماندارى ءدىني باس­قارماسى ەل مۇسىلماندارىنىڭ با­سىن قوسىپ وتىرعان جانە قو­عام­نىڭ اۋىزبىرشىلىگى مەن تۇ­راق­­تىلىعىن نىعايتۋ ىسىندە ما­ڭىز­­دى جۇمىستار اتقارىپ كەلە جات­قان ءدىني بىرلەستىك ەكەنىن ايتا كەلىپ, «بىزدەر ءدىن سالاسىنداعى مەملەكەتتىك ساياساتتىڭ تيىمدىلىگىن ارتتىرۋعا باعىتتالعان ءىس-شارا­لار­دا ءدىني باسقارمامەن جان-جاق­تى ءوزارا ءىس-قيمىل جاسايتىن بولامىز. كەلىسىمگە قول قويۋىمىزدىڭ باس­تى سەبەبى دە وسى», – دەدى مينيستر. سونداي-اق, ن.ەرمەكباەۆ مەم­لەكەت باسشىسى نۇرسۇلتان نازارباەۆتىڭ جولداۋىندا اي­تىل­عان قوعام قاۋىپسىزدىگىن قام­تاماسىز ەتۋ ءۇشىن ءدىني ەكسترەميزمدى ناسيحاتتاۋدىڭ الدىن الۋدا جانە وسكەلەڭ ۇرپاقتى رۋحاني-ادامگەرشىلىك رۋحىندا تاربيەلەۋ ىسىندە مينيسترلىكتىڭ قمدب-مەن كوپتەگەن ءىس-شارا­لار­دى بىرلەسىپ اتقارۋدى كوزدەپ وتىر­عانىن جەتكىزدى. قمدب توراعاسى, باس ءمۇفتي ەرجان قاجى مالعاجى ۇلى ءوز كەز­ەگىندە بۇل ىنتىماقتاستىق تۋ­رالى كەلىسىم ءمۇفتيات پەن مەم­­لەكەت اراسىنداعى ىنتا­ماق­­تاس­­تىقتى نىعايتۋعا جول اشا­تى­نىن ايتتى. «بۇگىن قول قويىل­عان ىنتىماقتاستىق تۋرالى كە­لى­سىم ەكى تاراپقا تۇرعىندار ارا­­سىندا ءداستۇرلى رۋحاني قۇن­دىلىقتاردى ناسيحاتتاۋعا جانە ءدىني ەكسترەميزم مەن تەررو­ريزم­نىڭ الدىن الۋعا باعىت­تال­­عان اق­پاراتتىق-ءتۇسىندىرۋ جۇ­مىس­تار­ىن قارقىندى جۇرگىزۋگە ءمۇم­كىن­­دىك بەرەدى. سايىپ كەلگەندە, ءدىن سالاسىنداعى ۋاكىلەتتى ور­گان­­مەن بىرلەسىپ ىسكە اسىرىلاتىن جۇمىستار جاستارىمىزدىڭ بوي­ىن­دا زايىرلى مەملەكەتتىڭ قا­­عيداتتارىنا سايكەس كەلەتىن رۋ­­حاني قۇندىلىقتاردى قالىپ­ت­اس­تىرۋعا نەگىز بولادى», دەدى ول. سوڭىندا ءدىن ىستەرى جانە ازا­مات­تىق قوعام ءمينيسترى مەن قازاقستان مۇسىلماندارى ءدىني باس­قارماسىنىڭ توراعاسى اتالعان كە­لىسىمدى قول قويىپ, بەكىتتى. جولدىباي بازار, «ەگەمەن قازاقستان»