تاسقىنعا قارسى شارالار باستالىپ كەتتى

وبلىستىق توتەنشە جاعدايلار جونىندەگى دەپارتامەنتىنىڭ ءما­لى­مە­تىن­شە, قازىر ايماقتا تاسقىنعا قار­سى دايىندىق جۇمىستارى باستالىپ تا كەتتى. ويتكەنى الدىن الماسا, سۋ تاس­قىنىنان اۋىلدىقتاردىڭ ابدەن ءزا­رە­زاپ بولاتىنى راس. الدىڭعى جىلى تاسقىن بايان­اۋىل­داعى اششىسۋ وزەنىنىڭ كوپىرىن, اۋداننىڭ 15-تەن استام اۋىل جولدارىن بۇزىپ وتكەنى ەسىمىزدە. كوپىرسىز قال­عان ساتباەۆ اتىنداعى جانە تەڭدىك, ۇزىنبۇلاق اۋىلدارىنىڭ تۇر­عىندارى جولدىڭ بەينەتىن كوردى. كو­پىردى كۇردەلى جوندەۋدەن وتكىزىپ نەمەسە جاڭادان سالۋ ءۇشىن قىرۋار قارجى قاجەت كورىنەدى. وتكەن جىلى ەرتىس وزەنىنىڭ ارناسىنان اسۋىنان وبلىس ورتالىعىنا جاقىن اقسۋ قالاسىنىڭ ەسكى بولىگىندەگى بىرنەشە ءۇي اۋلاسىمەن قوسا سۋ استىندا قالعان-دى. قازىر وسى جەرلەردە سۋ تاسقىنىنا قارسى بوگەتكە ۇزىندىعى 600 مەتر توپىراق ءۇيىندىسى تۇرعىزىلدى. قازىرگى كۇنى 2923 توننا جانار-جاعارماي, 8 000 توننا ينەرتتى ماتە­ريال مەن 60 000-عا جۋىق قۇم تو­لى قاپ, 140-قا جۋىق تەحني­كا مەن 400-دەن اسا مامان دايىن. سۋ دەڭ­گەيى كو­تەرىلگەن جاعدايدا ءۇي­ىن­­­­- ءدى­لەر تۇرعىزىلادى. دە­­پارتامەنت وكىل­دەرى وسى ۋا­قىتقا دەيىن تاس­قىن­نىڭ ال­دىن الۋ بويىنشا ءوڭىر­دە­گى 200-گە جۋىق ءۇي­دى ارا­لاپ, قالا, اۋىل تۇر­عىن­دا­رىنا ءتۇسىندىرۋ جۇ­مىس­­تارى جۇرگىزىلىپتى. جا­ل­­پى, تاس­قىن­عا قار­سى جۇمىس شارالارى قار­دىڭ تولىق ەرۋى كە­زىن­دە, ەكىنشىسى ءوڭىر­دەگى سۋ قوي­مالارىنداعى سۋ ءمول­شە­­رى­نىڭ ارتۋى كە­زىن­دە قولعا الى­نا­دى. مىسالى, قاراعاندى وب­لى­سىن­داعى قاراتوقا ءبو­گەتى اۋماعىنان اعا­تىن قار سۋى باياناۋىلدىڭ تەڭ­­­دىك, ال, اقمولا وب­لى­سىنداعى سىلەتى سۋ قوي­ماسىنان كەلەتىن سۋ اق­تو­عاي اۋدانىنىڭ شو­لا­قسور اۋىلدا­رى­نا قاۋ­ىپ ءتون­دى­رەدى. شولاقسور اۋى­­لى تاس­قىن باستالسا-اق, قاۋ­ىپ­- ­سىز جەرگە كوشىرىلەدى. قو­ي­­مادان اعا­تىن سۋدى ءوت­­­كىزۋ ماقساتىندا قۇ­بىر­­لار, قوسىمشا قۇ­رال­دار دا ورنا­تىلدى. قۇم تول­­­تىرىلعان قاپتار دا ءازىر­ل­ەنەدى, ۇيىلگەن تاس, تو­پىراق تا­سيدى. جى­ل­دا­عىداي تاسقىنعا داي­­ىن­- ­دىق شارالارى قولعا الى­نۋ­دا. قاشىر اۋدانىندا دا توتەنشە جاع­داي­لار ءبو­لىمىنىڭ ماماندارى اۋىل تۇر­­­عىندارىنا تاسقىن كە­زىن­دەگى قاۋ­ىپسىزدىك ەرە­جە­لەرىن ۇيرەتۋدە. فاريدا بىقاي, «ەگەمەن قازاقستان» پاۆلودار وبلىسى