ورتالىقتىڭ جۇمىسىمەن تانىستى

پارلامەنت سەناتى الەۋمەتتىك-مادەني دامۋ جانە عىلىم كوميتەتىنىڭ ءتورايىمى بىرعانىم ءايتىموۆا باستاعان كوميتەت مۇشەلەرى «ۇلتتىق نەيروحيرۋرگيا ورتالىعى» اكتسيونەرلىك قوعامىندا بولدى, دەپ حابارلادى پارلامەنت سەناتىنىڭ ءباسپاسوز قىزمەتى. كەزدەسۋدى اشا كەلىپ, ب.ءايتىموۆا قازاقستان پرەزيدەنتى نۇرسۇلتان نازارباەۆ جاريا ەتكەن 5 ينستيتۋت­تىق رەفورمانى ورىنداۋ جونىندەگى «100 ناقتى قادام» ۇلت جوسپارىن جۇزەگە اسىرۋدا پارلامەنت قاجەتتى زاڭنامالىق بازا قالىپتاستىرعانىن اتاپ ءوتتى. ب.ءايتىموۆا سونداي-اق, پارلا­مەنت الدىندا مەملەكەت باسشى­سىنىڭ «قازاقستاننىڭ ءۇشىنشى جاڭ­عىرۋى: جاھان­دىق باسەكەگە قابى­لەتتىلىك» جول­­­داۋىنداعى بار­لىق باسىم­دىق­تار­­دى ىسكە اسىرۋ اياسىندا اۋقىمدى ءارى جاۋاپتى جۇمىستار تۇرعانىن اتاپ ءوتتى. سەناتور سىرقاتتارعا جوعارى بىلىك­تى نەيروحيرۋرگيالىق كومەك كورسەتۋدەگى ورتالىقتىڭ ەلەۋ­لى ۇلەسىنە توقتالىپ, كوميتەت مۇشە­لەرىنىڭ وسى ساپارى مىندەتتى الەۋ­­مەتتىك مەدي­تسينا­لىق ساق­تاندىرۋدىڭ جاڭا ۇلگىسىن ەنگىزۋدىڭ قارساڭىندا دەن­ساۋلىق ساقتاۋ سالاسىنداعى مەكەمە­لەر­دى تانىستىرۋ شارالارىنىڭ ءبىر بولىگى ەكەنىن ايتتى. بۇرىن كوميتەت الەۋ­مەتتىك مەديتسينالىق ساقتاندىرۋ قورى­نىڭ باسشىلىعىمەن كەزدەسۋ ۇيىم­داستىرعان بولاتىن. كەزدەسۋ بارىسىندا «ۇلتتىق نەيروحيرۋرگيا ورتالىعى» اكتسيونەر­لىك قوعامى باسقارماسىنىڭ توراعاسى سەرىك اقشولاقوۆ ورتالىقتىڭ جۇ­مىسى تۋرالى اڭگىمەلەدى, دەپۋتاتتار بالالار نەيروحيرۋرگيا­سى, رەانيماتسيا جانە ينتەنسيۆ­تىك ەمدەۋ, ورتالىق جۇيكە جۇيەسى­نىڭ پاتولوگياسى, گوسپيتالدىق فار­ماتسيا, انتيوگرافيالىق وپەراتسيا بولىمدەرىندە, سونداي-اق, ترەنينگ ورتالىعىندا بولدى. كەزدەسۋ بارىسىندا ەگجەي-تەگ­­­جەي­­لى پىكىر الماسۋ بولدى. سەنا­­­تور­­لار دەنساۋلىق ساقتاۋ سا­لا­­سى­نىڭ الدىندا تۇرعان جەكەلە­گەن ءما­سە­لە­لەرگە توقتالدى. سەنات دە­پۋ­تاتتارى ا.بيجانوۆ, ءا.بەكتاەۆ جانە ج.ەرعاليەۆ ءوز ويلارىن ورتاعا سالدى.