قازاقستان باستامالارى باسقالارعا ۇلگى

قازاقستاننىڭ رۋمىنياداعى توتەنشە جانە وكىلەتتى ەلشىسى داۋلەت باتىراشەۆ وسى ەلدىڭ سىرتقى ىستەر ءمينيسترى تەودور-ۆيورەل مەلەشكانۋمەن كەزدەسىپ, ەكى ەلدىڭ اراسىنداعى ديپلوماتيالىق قاتىناستاردىڭ 25 جىلدىعىن الداعى 15 شىلدەدە مەرەكەلەۋ جونىندەگى ەكىجاقتى ىنتىماقتاستىقتىڭ جاي-جاپسارىن تالقىلادى. بۇل تۋرالى قازاقستان سىرتقى ىستەر مينيسترلىگىنىڭ ءباسپاسوز قىزمەتى حابارلادى. قازاقستاندىق ەل­شى رۋمىنيانىڭ سىرت­قى ساياسات ۆەدومستۆو­سىنىڭ باسشىسىنا ەلى­مىزدە جۇرگىزىلىپ جاتقان بيلىك تارماق­تارى اراسىندا وكى­لەت­تىكتەردى قايتا ءبولۋ جونىندەگى كونستي­تۋ­تسيالىق رەفورما تۋرالى, پرەزيدەنتتىڭ «قازاقستاننىڭ ءۇشىن­شى جاڭعىرۋى: جاھاندىق باسەكەگە قابىلەتتىلىك» اتتى ەل حالقىنا جولداۋىنىڭ نەگىزگى قاعيدالارى جانە ەلباسى ۇسىنعان بەس ينس­تيتۋتتىق رەفورمانى ىسكە اسىرۋ جونىندەگى «100 ناقتى قادام» ۇلت جوسپارىنىڭ ورىندالۋ بارىسى جونىندە اڭگىمەلەپ بەردى. سونداي-اق, تاراپتار الدا­عى وتەتىن ەكسپو-2017 حالىق­ارالىق مامانداندىرىلعان كور­مە­سىنە رۋمىنيانىڭ قاتىسۋ ماسە­لەلەرىن, قازاقستاننىڭ الەمدىك دەڭگەيدەگى باستامالارىن, قازاقستاننىڭ 2017-2018 جىلدار­داعى بۇۇ قاۋىپسىزدىك كەڭە­سىندەگى تۇراقتى ەمەس مۇشەسى رەتىن­دەگى قىزمەتىن تالقىلادى. تەودور-ۆيورەل مەلەشكانۋ ءوز كە­زەگىندە قازاقستاننىڭ سىرت­قى ساياسي باعىتتارىن جانە پرە­زيدەنت نۇرسۇلتان نازار­باەۆ­­تىڭ حالىق­ارا­لىق باس­تامالارىن جوعارى باعالاپ, ولار­دىڭ وزەكتىلىگى مەن ماڭىز­دىلىعىن اتاپ ءوتتى. بۇدان بولەك, مينيستر ەلبا­سى ۇسىنعان كونس­تي­تۋ­تسيا­لىق رەفورمالار جونىندە ءسوز قوزعاي كەلىپ, نۇرسۇلتان نازارباەۆ­تىڭ ۇسى­نىستارى قا­زاق­ستان قو­عامى ءۇشىن اسا ماڭىزدى ەكەنىن جەت­كىزدى. ونىڭ ايتۋىنشا, قازاق­ستاننىڭ دەموكراتيالاندىرۋ با­عىتىنداعى قادامدارى ەۋرو­وداق ەلدەرى تاراپىنان كەڭىنەن قولداۋ تابادى. بۇل وڭ وزگە­رىستەر قازاقستان مەن ەۋرو­وداق اراسىنداعى ارىپتەستىك پەن ىن­تىماقتاستىقتى ودان ءارى جانداندىرا تۇسەدى. بۇعان قوسا, ت.مەلەشكانۋ پرەزيدەنت ن.ءا.نازارباەۆتىڭ كورەگەن باسشى ەكەنىنە, بيىلعى جولداۋدىڭ ماڭىزدىلىعىنا توقتالا كەلىپ, ەكونوميكالىق دامۋدىڭ قازاقستاندىق مودەلى مەن ەلدىڭ ساياسي جاڭعىرۋ قارقىنى پوستكەڭەستىك ەلدەرگە, اسىرەسە, ورتالىق ازيا ايماعىنداعى مەملەكەتتەرگە ۇلگى بولا الاتىنىن جەتكىزدى.