95 اۋىلدى سۋ باسۋ قاۋپى بار

سينوپتيكتەردىڭ ءمالىم­دەۋ­ىنشە, قاڭتار ايىندا جاۋ­عان اق ۇلپانىڭ قالىڭ­دى­عى 45 سانتيمەترگە جەتكەن. بۇل – وتكەن جىلعا قارا­عاندا 15 سانتيمەترگە قالىڭ دەگەن ءسوز. اقپان, ناۋ­رىز ايلارىندا قاردىڭ ءتۇسۋى نورماداعىدان مول بو­لادى دەپ كۇتىلۋدە. ال سول­­تۇستىكقازاقستاندىقتار بىل­تىرعى تاسقىننىڭ سال­عان الەگى مەن تۋدىرعان ءدۇر­بەلەڭىن ءالى ۇمىتا قويعان جوق. وڭعى شيرەك عاسىردا بول­ماعان زارداپتىڭ ورىن الۋى سالدارىنان 400-دەن استام ءۇي مەن 35 ەلدى مە­كەن قىزىل سۋ استىندا قالىپ, 1,3 ميلليارد تەڭگە شى­عىن كەلگەن بولاتىن. وسى جاعى ساباق بولدى ما, الدە قار­دىڭ قالىڭ جاۋعانىن ەسكەر­دى مە, ءتيىستى ورىندار ساق­تىق شارالارىنا الدىن الا كىرىسىپ, تاس-ءتۇيىن دايىن­دىق جۇمىستارىنا جۇمى­لا كىرىسىپ كەتكەن. ءتو­تەنشە جاعدايلار ءجونىن­دەگى وبلىستىق كوميسسيا وتى­رىسىندا بيىلعى سۋ تاسقى­نىنىڭ مال-جانعا ەرەكشە قاتەر توندىرەتىنى ايتىلىپ, بەيقام قالماۋ جاعى قاتاڭ ەسكەرتىلدى. توتەنشە جاعدايلار ءجو­­نىندەگى دەپارتامەنت باس­­شى­سىنىڭ ورىنباسارى ەرىك سارىباەۆ بەرگەن ءما­­لى­­­مەتتەرگە سۇيەنسەك, پەت­­رو­­پاۆل قالاسى, ەسىل, تا­ي­ىن­­شا, اققايىڭ اۋ­دان­­­دارى ەرەكشە قاۋىپتى اي­ماق­­تارعا جات­قىزىلعان. 95 ەل­دى مەكەن­دى سۋ باسۋ قاۋپى بار. ول جەرلەردە 1,5 مىڭ­نان استام تۇرعىن ءۇي ورنا­لاس­­­قان. 4,7 مىڭداي ادام تۇ­را­­دى. سونى­مەن قاتار, ۇزىن­دى­عى 50 شا­قىرىم بولاتىن 153 اۆ­تو­موبيل جانە تەمىر جول ۋچاس­كەلەرىنە دە قاتەر كەلتىرۋى مۇمكىن. قازىرگى ۋاقىتتا سۋ تاسقى­نىنىڭ الدىن الۋ شارالارى جان-جاقتى ويلاستىرىلعان. بۇعان دالەل رەتىندە, 70 ەلدى مەكەندى تاسقىننان قور­عاۋ بويىنشا ينجەنەرلىك جۇ­مىس­تار اياقتالىپ, جول-كولىك ين­فراقۇرىلىمدارى مەن گيد­روتەحنيكالىق قۇرىل­عىلار ورناتىلعانىن ايتۋ­عا بولادى. تۇر­عىن­دار­دى باسقا ايماقتارعا كوشى­رۋ, جاتىن ورىندارمەن قامتا­ما­سىز ەتۋ ماسەلەلەرى ءجىتى قاراس­تىرىلعان. وبلىس ورتالىعىندا ارنايى شتاب قۇرىلىپ, الدىن الا دايىندالعان ءىس-جوسپار بويىنشا ارەكەت ەتەتىن بولادى. سۋ تاسقىنىنىڭ الدىن الۋ ماقساتىمەن جەرگىلىكتى قا­زى­نادان 270 ميلليون تەڭ­گە ءبولىنىپ, جارتى ميلليون تەكشە مەتر قار سىرتقا شى­عارىلعان. جىلدا قارعىن سۋ ۇلكەن ابىگەرگە سالاتىن جۇ­مىسشى, زارەچنىي, بەرە­كە, ويقالا شاعىن اۋ­دان­دا­رى قالا اكىمىنىڭ تىكەلەي باقى­لاۋىنا الىنعان. ءومىر ەسقالي, «ەگەمەن قازاقستان» سولتۇستىك قازاقستان وبلىسى