پروبلەمالىق نەسيەلەر قورى ۇلتتىق بانكتەن ۇكىمەتكە وتەدى

قازاقستاندا سوت م ۇلىكتى ءبولۋ مۇمكىن بولماعان جاعدايدا, ونى جاريا ساۋداعا شىعاراتىن بولادى. بۇل تۋرالى قر پارلامەنتى سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتىق, بانك زاڭناماسىن جەتىلدىرۋ جانە كاسىپكەرلىكتى جۇرگىزۋدى جاقسارتۋ ماسەلەلەرى بويىنشا وزگەرىستەر مەن تولىقتارۋلار ەنگىزۋ تۋرالى» زاڭ جوباسىن تانىستىرۋ بارىسىندا قر ادىلەت ءمينيسترى مارات بەكەتاەۆ ءمالىم ەتتى, دەپ حابارلايدى قازاقپارات. «2017 جىلعى 31 قاڭتارداعى مەملەكەت باسشىسىنىڭ حالىققا جولداۋىندا ايقىندالعان تاپسىرماسىن جۇزەگە اسىرۋ ماقساتىندا زاڭ جوباسى بانك سەكتورىن ساۋىقتىرۋ جونىندەگى شارالاردى كوزدەيدى. اتاپ ايتقاندا, «پروبلەمالىق كرەديتتەر قورى» اكتسيونەرلىك قوعامىنىڭ ۇلتتىق بانكتەن ۇكىمەتكە ءوتۋى كوزدەلگەن»,-دەدى مينيستر. ايتا كەتەيىك, «پروبلەمالىق كرەديتتەر قورى» اق-نىڭ جالعىز اكتسيونەرى قازاقستان رەسپۋبليكاسىنىڭ ۇلتتىق بانكى بولىپ تابىلادى. «پكق» اق قىزمەتىنىڭ نەگىزگى ماقساتى ۋاكىلەتتى ورگاننىڭ نورماتيۆتىك قۇقىقتىق اكتىلەرىنىڭ تالاپتارىنا سايكەس, ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا باعىتتالعان شارالاردى ىسكە اسىرۋعا نەگىزدەلگەن.