2017 جىلى 600 كم جول پايدالانۋعا بەرىلەدى

2017 جىلى 600-دەن استام شاقىرىم جول پايدالانۋعا بەرىلەدى. بۇل تۋرالى قر ۇكىمەتىندەگى ءباسپاسوز كونفەرەنتسياسىندا قر ينۆەستيتسيالار جانە دامۋ ۆيتسە-ءمينيسترى رومان سكليار مالىمدەدى, دەپ جازادى primeminister.kz.  سونىمەن قاتار, 2017 جىلى رەسپۋبليكالىق ماڭىزداعى جولداردىڭ 700 شاقىرىمىندا اقىلى جۇيە ەنگىزۋ كوزدەلگەن. بۇل -  استانا – تەمىرتاۋ, الماتى – قاپشاعاي جانە الماتى – قورعاس ۋچاسكەلەرى. اعىمداعى جىلدىڭ قاراشا ايىندا جۇيەنى تەستىلىك رەجيمدە ىسكە قوسۋ كۇتىلۋدە. 2020 جىلعا قاراي رەسپۋبليكالىق ماڭىزداعى 6 مىڭ شاقىرىم جولدى اقىلى ەتۋ جوسپارلانعان, بۇل جىل سايىن شامامەن 30 ملرد تەڭگە جيناۋعا مۇمكىندىك بەرەدى. «اقى تولەتۋ جۇيەسى اۆتوجولداردى قامتۋدىڭ ءوزىن-ءوزى وتەۋىنە جانە بيۋدجەتكە تۇسەتىن جۇكتەمەنى ازايتۋعا مۇمكىندىك بەرەدى», – دەپ اتاپ ءوتتى ر. سكليار. ۆيتسە-مينيستر 2013 جىلدان باستاپ رەسپۋبليكادا جالعىز اقىلى ۋچاسكە بارىن ەسكە سالىپ ءوتتى. ول – ۇزىندىعى 217 شاقىرىم بولاتىن استانا – ششۋچينسك. اتالعان ۋچاسكەدە بەكىتىلگەن تاريف جەڭىل كولىك ءۇشىن ءبىر شاقىرىمعا 1 تەڭگەنى قۇرايدى. ر. سكليار جاڭا ۋچاسكەلەردە بۇل تاريفتەردى ارتتىرۋ جوسپارلانباعانىن اتاپ ءوتتى. بالامالى ۋچاسكەلەردى سالۋ زاڭنامامىزدا قاراستىرىلماعان. وعان قوسا, ر. سكليار اۆتوموبيل جولدارى ساپانىڭ بارلىق نورماتيۆتەرى بويىنشا قامتىلاتىنىن باسا ايتتى. «ارنايى زەرتتەۋلەر تۇراقتى جۇرگىزىلىپ تۇرادى. اتالعان زەرتتەۋلەرگە سايكەس ججم ۇنەمدەۋ جانە باسقا دا كورسەتكىشتەر جولدا ءجۇرۋ ءۇشىن الىناتىن اقىدان الدەقايدا جوعارى», – دەدى ۆيتسە-مينيستر. اۆتوجولداردى پايدالانۋشىلارعا قىزمەت كورسەتۋ بويىنشا ساپالى ينفراقۇرىلىمعا ەرەكشە كوڭىل بولىنەتىن بولادى. قازىرگى ۋاقىتتا رەسپۋبليكالىق ماڭىزداعى جولداردىڭ بويىندا جول سەرۆيسىنىڭ جەكەلەنگەن  2 مىڭنان استام نىسانى جۇمىس جاسايدى, ولاردىڭ باسىم بولىگى 2015 جىلى قابىلدانعان ۇلتتىق ستاندارتتارعا سايكەس كەلمەيدى.