قر پرەمەر-ءمينيسترى «Kazakh Invest» ديرەكتورلار كەڭەسىن باسقارادى

قر ۇكىمەت باسشىسى باقىتجان ساعىنتاەۆ ينۆەستيتسيالار جونىندەگى «Kazakh Invest» ۇلتتىق كومپانياسى ديرەكتورلار كەڭەسىن باسقارادى. بۇل تۋرالى بۇگىن ۇكىمەتتە وتكەن ءباسپاسوز ءماسليحاتىندا قر يدم ينۆەستيتسيالار جونىندەگى كوميتەتتىڭ توراعاسى ساپاربەك تۇياقباەۆ ءمالىم ەتتى, دەپ حابارلايدى قازاقپارات. «بۇل ۇلتتىق كومپانيانىڭ دەڭگەيى جوعارى بولادى. ينۆەستورلار تىكەلەي مينيسترلەرگە جولىعۋعا مۇمكىندىك الادى, سونىمەن قاتار كەلىسىمدەرگە قول قويۋ باعىتىندا ۇكىمەت باسشىسىنا دا وزدەرىنىڭ ۇسىنىستارىن ايتا الادى. وسى ۇلتتىق كومپانيانىڭ ديرەكتورلار كەڭەسىن پرەمەر-مينيستر باسقارادى دەگەن شەشىم قابىلداندى»,-دەدى كوميتەت باسشىسى. ونىڭ سوزىنە قاراعاندا, «كazakh Invest» كومپانياسىن قۇرۋ راسىمدەرى اقپاننىڭ سوڭىنا دەيىن اياقتالادى. ۇلتتىق كومپانيا شەتەلدىك وكىلدىكتەر مەن فيليالداردىڭ اۋقىمدى جەلىسىن قامتىپ, ۇكىمەت اتىنان ءىرى ينۆەستورلارمەن جانە ماقساتتى ترانسۇلتتىق كورپوراتسيالارمەن «بىرەگەي كەلىسسوز جۇرگىزۋشى» رەتىندە  ءىس-قيمىل جاسايتىن بولادى. كومپانيا فۋنكتسيالارىنا ينۆەستيتسيالىق جوبالاردى ازىرلەۋدى قامتاماسىز ەتۋ, ينۆەستيتسيانى قاجەت ەتەتىن جوبالاردىڭ ءتىزىمىن ازىرلەۋ, ماقساتتى جانە دايىندىعى بار ينۆەستورلاردى تارتۋ كىرەدى. «بۇل كومپانيانىڭ شەتەلدەگى فيليالدارى ۆيزالىق قولداۋ, كەزدەسۋلەر مەن كەلىسسوزدەردى ۇيىمداستىرۋ, رۇقساتنامالاردى الۋ سەكىلدى قولداۋ شارالارىن قامتيدى»,-دەدى تۇياقباەۆ.