بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. ءوڭىر باسشىسى وبلىس ەكونوميكاسىن ءارتاراپتاندىرۋ جانە كاسىپكەرلىكتى دامىتۋدا يندۋستريالىق ايماقتاردىڭ ماڭىزدى ءرول اتقارىپ وتىرعانىنا توقتالدى. «اتالعان ايماقتاردىڭ ءبىرى – «تاسساي» يندۋستريالدى ايماعى. جالپى اۋماعى 89 گا قۇرايتىن ايماقتا بۇگىندە 24 ينۆەستيتسيالىق جوبا ىسكە اسىرىلۋدا. وسى جوبالاردىڭ ءبىرى – «Marai E7 Group» جشس-نىڭ مەديتسينالىق ماقساتتاعى ورتوپەديالىق بۇيىمدار شىعاراتىن زاۋىتى. جوبا اياسىندا وبلىسقا 393 ملن تەڭگە ينۆەستيتسيا تارتىلىپ, 50 ادام جۇمىسپەن قامتىلاتىن بولادى», – دەدى جانسەيىت قانسەيىت ۇلى. وڭتۇستىككورەيالىق تەحنولوگيامەن جابدىقتالعان كاسىپورىندا جىلىنا 500 مىڭ بينت پەن 274 مىڭ ورتوپەديالىق بۇيىم ازىرلەنەتىن بولادى. زاۋىت ءونىمى ءتۇرلى سىنىق-جاراقاتتا قولدانىلىپ, سالماعىنىڭ جەڭىلدىلىگى, ەلاستيكالىق يىلگىشتىگى, رەنتگەن وتكىزگىشتىگىمەن جانە جىلدام قاتايۋىمەن ەرەكشەلەنەدى. تمد ەلدەرى بويىنشا انالوگى جوق كاسىپورىن قازاقستان نارىعىن تولىق قامتاماسىز ەتۋگە قاۋقارلى. ايتا كەتەيىك, «Marai E7 Group» زاۋىتىنىڭ دايىن ونىمىنە سۇرانىس وتە جوعارى. قازىرگى تاڭدا ءوندىرىس ورنى تۇركيا, وزبەكستان جانە قىزعىزستان ەلدەرىنە ونىمدەرىن ەكسپورتتاۋ ماقساتىندا جۇمىس ىستەپ جاتىر. اتالعان كاسىپورىن «سق-فارماتسيا» جشس-مەن 10 جىلعا ۇزاق مەرزىمدى كەلىسىمگە قول قويىپ, بىرلەسە جۇمىس ىستەۋگە ۋاعدالاسىپ وتىر.
