ج.مولداعاليەۆ اتىنداعى وبلىستىق عىلىمي-امبەباپ كىتاپحاناسىندا بقو اكىمدىگىنىڭ قولداۋىمەن الماتىداعى «زولوتايا كنيگا» باسپاسىنان جارىق كورگەن «قازاقستان ۇلى وتان سوعىسى جىلدارىندا. باتىس قازاقستان وبلىسى» اتتى جاڭا كىتاپتىڭ تانىستىرىلىمى ءوتتى. بۇل تۋرالى قازاقپارات حابارلادى.
اتالمىش كىتاپتا قانقۇيلى سوعىسقا قاتىسقاندار جونىندە بارىنشا كەڭىنەن سىر شەرتىلەدى. وبلىستان شىققان كەڭەس وداعىنىڭ باتىرلارى مەن داڭق وردەنىنىڭ تولىق يەگەرلەرى جونىندە جەكە تاراۋلار بەرىلگەن. تىڭ دەرەكتەر دە بارشىلىق.
«بۇل كىتاپ وتكەندى ۇمىتپاۋ ءۇشىن كەرەك. قازىر ءبىزدىڭ قاتارىمىز سەلدىرەدى. سوعىستى كوزبەن كورگەندەر كۇن ساناپ ازايىپ بارادى. سوندىقتان وتانىن قورعاعاندار جونىندە جاستارعا ۇنەمى ايتىپ وتىرامىز», – دەدى 92 جاستاعى مايدانگەر ۆەنيامين سكولەنكو.
ايتا كەتەيىك, 500 دانا تارالىممەن شىققان كىتاپ وبلىستاعى ءار كىتاپحاناعا بەرىلمەك.
