اۋا رايى • بۇگىن, 14:28

الداعى كۇندەرى قاي وڭىرلەردە كۇن كۇرت جىلىنادى؟

30 رەت
كورسەتىلدى
1 مين
وقۋ ءۇشىن

سينوپتيكتەر 28-30 ناۋرىزعا ارنالعان اۋا رايى بولجامىن جاريالادى. الداعى كۇندەرى رەسپۋبليكانىڭ باسىم بولىگىندە كۇن جىلىنادى, دەپ حابارلايدى Egemen.kz.

الداعى كۇندەرى قاي وڭىرلەردە كۇن كۇرت جىلىنادى؟

فوتو: اشىق دەرەككوز

بولجام بويىنشا, ەلىمىزدىڭ وڭتۇستىگىندە تەرمومەتر باعانى +30°س-قا دەيىن كوتەرىلەدى. الايدا باتىس وڭىرلەردە جانە وڭتۇستىكتىڭ تاۋلى ايماقتارىندا كەي كۇندەرى نايزاعاي ويناپ, جاڭبىر جاۋى مۇمكىن. رەسپۋبليكا بويىنشا جەل كۇشەيىپ, وڭتۇستىكتە شاڭدى داۋىل تۇرۋى ىقتيمال.

وڭىرلەردەگى كۇندىزگى تەمپەراتۋرا:

  • وڭتۇستىكتە – +23…+30°س;
  • باتىستا – +18…+27°س;
  • ورتالىقتا – +15…+25°س;
  • شىعىستا – +12…+20°س;
  • سولتۇستىكتە  – +10…+17°س.

سولتۇستىك, شىعىس جانە ورتالىق وڭىرلەردە تۇنگى جانە تاڭعى ۋاقىتتا تۇمان تۇسەدى دەپ بولجانعان.

ەسكە سالا كەتەيىك, بۇگىن ەلىمىزدىڭ باسىم بولىگىندە اۋا رايىنا بايلانىستى ەسكەرتۋ جاريالاندى.

سوڭعى جاڭالىقتار