اقش پرەزيدەنتى دونالد ترامپ مەكسيكامەن شەكارادا " ۇلى قورعان" سالۋعا بەلىن بەكەم بۋىپ وتىر. پرەزيدەنت ءوز سوزىندە سارسەنبى كۇنى شەكارادا قورعان سالۋ تۋرالى قاۋلىعا قول قوياتىنىن ايتتى, دەپ جازادى BBC.
"بۇل ۇلتتىق قاۋىپسىزدىك ءۇشىن وتە ماڭىزدى قادام. ءبىز قورعاندى سالامىز", - دەپ جازدى اق ءۇي باسشىسى ءوزىنىڭ تۋيتتەرىندە.
قورعاندى سالۋدى تۋرالى قاۋلىعا پرەزيدەنت استانا ۋاقىتىمەن تۇنگە قاراي قول قويادى. سونىمەن قاتار شەكاراداعى قاۋىپسىزدىك شارالارىن كۇشەيتۋ مەن كوشى-قون سالاسىنداعى بىرقاتار قۇجاتتارعا قول قويىلماق.
بۇل قاۋلىلاردىڭ ناقتى ءماتىنى ازىرگە جاريالانباي وتىر. الدىن الا بولجامدارعا سۇيەنسەك, اقش-قا تاياۋ شىعىستىڭ مۇسىلمان ەلدەرىنىڭ ازاماتتارىنىڭ كىرۋ ءتارتىبى كۇشەيتىلمەك.
بۇعان قوسا ترامپ ەلدەگى قالالاردىڭ جەرگىلىكتى بيلىگىن زاڭسىز ميگرانتتارعا قارسى قولدانىلاتىن شارانى قاتاڭداتۋدى تاپسىراتىنىن ايتتى.
مەكسيكامەن اراداعى شەكارادا 3 مىڭ شاقىرىمدىق قورعان سالۋ پرەزيدەنتتىڭ سايلاۋالدى باعدارلاماسىندا دا ايتىلعان ەدى. ءتىپتى, قورعان قۇرىلىسىنا كەتەتىن شىعىندى مەكسيكا ۇكىمەتىنە تولەتەتىنىن دە ايتقان بولاتىن. ال مەكسيكا بيلىگى قورعان قۇرىلىسىنا قارجى بولمەيتىنىن اشىق ايتقان.
