مامىلەگەرلىك – قانىمىزدا بار قاسيەت

قازاق ەجەلدەن كوڭىلى ادال, بەيبىتشىلىك سۇيگىش  حالىق ەكەنى بەلگىلى. بۇل تۋرالى كوپتەگەن مىسالدار كەلتىرۋگە بولادى. جالپى, اتام قازاق ەشقاشان وزدىگىنەن ەشبىر ەلگە جاۋگەرشىلىك نيەتپەن شابۋىل جاساماعانىن قارت تاريحىمىزداعى جازبالاردان انىق كورىنەدى. تەك, وزىنە قاستىق جاساعانداردان قورعانۋ ءۇشىن قارسىلىق تانىتىپ, كۇش جۇمساعان. ال تىرشىلىكتەگى كەزدەسەتىن ءتۇرلى ماسەلەلەردى مامىلە ارقىلى وڭ شەشىپ وتىرعان. ياعني, ءتىل تابىسۋ مەن ىنتىماقتاسۋ, ىمىرالاسۋ ارقىلى ىرىس-بەرەكەمىزدى ارتتىرىپ وتىرعان حالىقپىز. مۇنداي ەرەكشەلىگىمىزدى ۇلى تۇلعالارىمىز دا, ەلى­مىزگە تابانى ءتيىپ, جەرى­مىزدەن ءدام تاتقان شەتەلدىك عالىمدار دا ايتىپ, جازىپ, جاريالاپ الەم­گە پاش ەتكەن كەزى از ەمەس. ەندەشە, وسى كۇندەرى تۇر­لاۋى كەتكەن تىرشىلىكتە تاراپ­تاردى تاتۋلاستىرۋ تەتىگىن­دەگى ءبىزدىڭ ءرولىمىز – ءتۇپ-تامىرى سوناۋ قاتپار-قاتپار تاريح­تىڭ كونە بەتتەرىنەن باستاۋ الادى دەۋ­گە تولىق نەگىز بار. مىنە, تاپ وسى تۇستا ءسوز ەتىپ وتىرعان ماسە­لەنىڭ ەكىنشى قىرىنا توقتالايىن. بۇگىنگى بايتاق ەلىمىز, كەڭەس وكىمەتىن­دەگى قازاق­ستان ەمەس. ءوز ەلى مەن جەرىنە يە بولىپ ءتاۋ­ەل­سىز قازاقستان اتانعان مەم­لە­كەت­تىڭ ءما­مى­لەگەرلىككە جۇرەتىندەي ءجونى بار-اق. سونىمەن قاتار, اينالىپ وتۋگە بول­مايتىن تاعى ءبىر ماسەلە – مەملەكەت باس­شى­سىنىڭ ابىروي, بەدەلى. سەبەبى, قىز­مەتتە ءجۇرىپ شەتەلگە ىسساپارمەن شىق­قانىمىزدا «قازاقستان» دەگەن ءسوزدى ايتساق, الدىمەن ن.نازارباەۆ تۋرا­لى ءجيى ەستىپ جاتاتىنبىز. بۇل – ەلبا­سىمىزدىڭ ەسىمى ەلىمىزدىڭ اتاۋىمەن استاسىپ كەتكەنىنىڭ بەلگىسى. ونىڭ ۇستىنە حالىقارالىق دەڭگەيدەگى ساراپشىلار مەن الەمدىك كوشباسشىلاردىڭ اراسىندا ن.نازارباەۆ بەدەلىنىڭ زور ەكەن­دىگىن بايقاتسا كەرەك. سونداي-اق, بەي­بىتشىلىك پەن بەرەكە-بىرلىكتىڭ جەر جا­ھان ءۇشىن اسا قۇندى ەكەندىگىن قازاق­ستانداعى مامىراجاي تىرشىلىككە قاراپ تۇرىپ تۇسىنە قويۋ اسا قيىن بولا قوي­ماس, ءسىرا. سوندىقتان دا, تىنىش­تىق­تى تۋ ەتكەن كوپتەگەن ەلدىڭ باس­شى­­لارى استانا پروتسەسىنەن مول ءۇمىت كۇ­­تىپ, زور نيەتپەن وسىنداي يگى باس­تا­مانى قولداپ, قۋاتتادى. ارينە, بۇل كەلىسسوزدەردىڭ كوپشىلىگى كۇت­كەن ناتيجەگە باستار جول بولاتىنى كۇمانسىز. ابدىجالەل باكىر, ساياسي عىلىمدار دوكتورى, پروفەسسور