ۇكىمەتتەگى تاعايىنداۋلار ۇكىمەت پەن پارلامەنت قۇزىرەتىنە ءوتۋى مۇمكىن - ەلباسى

نۇرسۇلتان نازارباەۆ مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى بويىنشا جۇمىس توبىمەن كەزدەستى, - دەپ حابارلايدى اقوردانىڭ ءباسپاسوز قىزمەتى. "بۇگىن ءبىز مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرىن تالقىلاۋ ءۇشىن كەزدەسىپ وتىرمىز. مەن بۇل تۋرالى جۇرت الدىندا سويلەگەن سوزدەرىمدە, ۇندەۋلەرىمدە ايتىپ ءجۇرمىن. مەن ۇسىنعان بەس ينستيتۋتسيونالدىق رەفومانىڭ بەسىنشىسى ۇكىمەتكە ەكونوميكا سالاسىندا قوسىمشا اتقارۋ فۋنكتسيالارىن بەرۋدى قاراستىرادى. ال پرەزيدەنتتىڭ قۇزىرەتىندە قورعانىس, سىرتقى ساياسات, مەملەكەتتىك باسقارۋ, كونستيتۋتسيانى قورعاۋ, مەملەكەتتىك بيلىك اراسىنداعى جۇمىستىڭ تيىمدىلىگىن قامتاماسىز ەتۋ قالادى. بىراق ءبىز باستاپقىدا پرەزيدەنتكە كوپ وكىلەتتىك بەردىك. كوپ زاڭداردا وسىلاي بولعان, ياعني, 45 وكىلەتتىك. سودان ول تاعى 30 وكىلەتتىككە تولىقتى. ەندى وكىلەتتىككە قاتىستى شەشىم قابىلداۋ ءۇشىن ونى ۇكىمەت پەن پارلامەنتكە جىبەرۋگە بولادى", - دەدى نازارباەۆ. مەملەكەت باسشىسى اۋەلدە قازاقستان پرەزيدەنتىنىڭ قۇزىرەتىنە بەرىلگەن وكىلەتتىكتەردىڭ سانىن ازايتۋ ماسەلەسىنە توقتالدى. "مىسالى, باعدارلامالاردى بەكىتۋ, ۇكىمەتتەگى كادرلىق تاعايىنداۋلار, باسقارۋدىڭ جاڭا ورگاندارىن قۇرۋ سياقتى وكىلەتتىكتەر ۇكىمەت پەن پارلامەنتتىڭ قۇزىرەتىنە ءوتۋى مۇمكىن", - دەدى نۇرسۇلتان نازارباەۆ. سونداي-اق, قازاقستان پرەزيدەنتى مەملەكەتتىك باسقارۋ جۇيەسىندە پارلامەنتتىڭ ءرولىن ارتتىرۋ قاجەتتىگىن دە ايتتى.   ءبىزدىڭ جاعدايدا ۇكىمەتتى جەڭگەن پارتيا نەمەسە فراكتسيا قۇرادى. وسىلايشا, پارلامەنتتىڭ ۇكىمەتكە قاتىستى ءرولى كوپ ماسەلە بويىنشا قايتا قاراستىرىلۋى كەرەك دەدى, ەلباسى.