وقو باسقارماسىنا جاڭا باسشى تاعايىندالدى

بۇگىن وڭتۇستىك قازاقستان وبلىسى اكىمىنىڭ وكىمىمەن دۇيسەنوۆ بەرىك تاستانبەك ۇلى وبلىستىق مەملەكەتتىك ساتىپ الۋ باسقارماسىنىڭ باسشىسى بولىپ تاعايىندالدى, دەپ حابارلادى وبلىس اكىمىنىڭ ءباسپاسوز قىزمەتى. ب.دۇيسەنوۆ 1978 جىلى تۋىلعان, ءبىلىمى جوعارى, ماماندىعى قۇقىقتانۋ, مەملەكەتتىك جانە جەرگىلىكتى باسقارۋ باكالاۆرى. ول ەڭبەك جولىن 2000 جىلى اقتوبە قالالىق پروكۋراتۋراسى ءبولىمىنىڭ  پروكۋرورى بولىپ باستاعان. 2004-2016 جىلدارى اقتوبە قالالىق پروكۋراتۋراسى ءبولىمىنىڭ اعا پروكۋرورى, «كيت سو», «وتاۋ ستروي» جشس-ءنىڭ زاڭگەرى, تۇركىستان قالاسى اكىمى اپپاراتى زاڭ ءبولىمىنىڭ مەڭگەرۋشىسى, تۇركىستان, شىمكەنت قالالارىنىڭ اكىمى اپپاراتىنىڭ باسشىسى, «ساۋلەت-بەتون» جشس قۇرىلىس كومپانياسىنىڭ كەڭەسشىسى, باس ديرەكتورى قىزمەتتەرىن اتقارعان. 2016 جىلدىڭ جەلتوقسان ايىنان باستاپ وڭتۇستىك قازاقستان وبلىسى مەملەكەتتىك ساۋلەت-قۇرىلىس باقىلاۋى باسقارماسى باسشىسىنىڭ ورىنباسارى بولىپ ەڭبەك ەتىپ كەلگەن.