بۇرىنعى ۇلتتىق ەكونوميكا ۆيتسە-ءمينيسترى ايدار اريفحانوۆ "بايتەرەك" حولدينگى توراعاسىنىڭ ورىنباسارى بولىپ تاعايىندالدى, دەپ حابارلادى "بايتەرەك" ۇلتتىق باسقارۋشى حولدينگى" اق ءباسپاسوز قىزمەتى.
"بايتەرەك" ۇلتتىق باسقارۋشى حولدينگى" اق ديرەكتورلار كەڭەسىنىڭ شەشىمىمەن ايدار اريفحانوۆ "بايتەرەك" حولدينگى باسقارما توراعاسىنىڭ ورىنباسارى-باسقارما مۇشەسى بولىپ سايلاندى", - دەلىنگەن حابارلامادا.
ايدار اريفحانوۆتىڭ مەملەكەتتىك باسقارۋ جانە ەكونوميكالىق ساياسات سالاسىنداعى 20 جىلدىق جۇمىس ءوتىلى بار. ەڭبەك جولىن قر قارجى مينيسترلىگىنىڭ سىرتقى قارىز كوميتەتى باعدارلامالىق جانە الەۋمەتتىك قارىزدار ءبولىمىنىڭ باس مامانى بولىپ باستاعان ول سوڭعى جىلدارى قر ۇلتتىق ەكونوميكا ۆيتسە-ءمينيسترى لاۋازىمىن اتقاردى. ءار جىلدارى قر قارجى ۆيتسە-ءمينيسترى, قر پرەمەر-ءمينيسترى كەڭسەسى باسشىسىنىڭ ورىنباسارى, قر ەڭبەك جانە الەۋمەتتىك قورعاۋ ۆيتسە-ءمينيسترى, قر پرەمەر-ءمينيسترىنىڭ كەڭەسشىسى, قر اقپاراتتاندىرۋ جانە بايلانىس اگەنتتىگى توراعاسىنىڭ ورىنباسارى, "قازاقتەلەكوم" اق باسقارۋشى ديرەكتورى, "قازاتومپروم" ۇاك" اق باسقارما توراعاسىنىڭ ەكونوميكا جانە قارجى جونىندەگى ورىنباسارى قىزمەتتەرىن اتقارعان. 2015 جىلعى قاراشادان باستاپ قر ۇلتتىق ەكونوميكا ۆيتسە-ءمينيسترى لاۋازىمىندا بولدى. ايدار اريفحانوۆ قازاق مەملەكەتتىك باسقارۋ اكادەمياسىن, قر ءسىم ديپلوماتيالىق اكادەمياسىن اياقتاعان, 2008 جىلى "بولاشاق" پرەزيدەنتتىك باعدارلاماسى شەڭبەرىندە كولۋمبيا ۋنيۆەرسيتەتىن ءتامامداپ, مەملەكەتتىك اكىمشىلەندىرۋ ماگيسترى دارەجەسىن (مرا) جانە 2006 جىلى لوندون بيزنەس مەكتەبىندە ىسكەرلىك اكىمشىلەندىرۋ ماگيسترى دارەجەسىن (مۆا) العان.
